شوقني الزير صوته يوم رنو به=وأقفا على شدادها وأنا بغاربها
لو قبلنا اجدى الونين الناس لجو به=وانا أقتديهم بوناتي والج بها
على الذي يا سعود العام قفو به=وأنا أحسبن غيرنا محدٍ يقف بها
والله وأعلم رضا وإلا به مغصوبه=وإن كان مغصوبةٍ حسبي لغاصبها
وإن كان راضي وأنا عايش بكاذوبه=في يوم تدفع ثمن غالي لاكاذبها
ما مر فوقي كثير الناس مرو به=وبكرةيجي بعدنا ناسٍ تمر بها
لكن يكفي ياسعود ذا النوبه=ما كل ساعة نبا نصدق عقاربها
واحذر تسرع لأجل واحد وعذروبه=يوجد صدوقه مزاياها عذاربها
دربٍ مشي قبلنا واليوم يمشو به=واللي بدي بالهوى لابد يمش بها
نارٍ بليا حطب ياسعود مشبوبه=وأنصر لمن عرف مخبا شبايبها
لا شك فيها العسل وليا صفا ذوبه=وإن ما صفا امر من الحنظل ويغلبها
فكر وحاسب ترى الأعمار محسوبه=ومن لا حسب للعواقب قيل يبل بها
وأكرر ابعد لدرب الحب ولاهوبه=والنار مقيول تحرق من يقربها
قلته وأنا مر صوبي ومر أجي صوبه=لكنها صوبتني قبل اصوبها
ضربة سهومه بقلبي تنزف ثقوبه=وأنا أنصحك بعد ما أونسنا مضاربها
وإن طعت وإلا الهوى مفتوحة دروبه=لكن طيع النصيحة لا تقربها
التميز
الإهداءات
شوقني الزير
