الليلة الطاروق من حين دندنت=منهل مثل الغيث ماطر سحابه
ياما كتمت الحب والليلة أعلنت=يدري بحبي واحدٍ(ن)ما درى به
سلام مني مرسله عجل بالنت=وجهته للي طال عني غيـابه
وعقب السلام أنشدك دامك تمكنت=بالخافق اللي صار بعدك خرابه
يا صاحبي عساك مبسوط لاهنت=وشلون حالك بعدنا وش رجرى به
رد الخبر لا تقطع الوصل لن كنت=على العهد اللي مضينا كتابه
وإن كان ودك تعرف بحال بينت=الحال من عقبك تعاوى ذيابه
بعد السماحة يا بعد كلهم شنت=أون وضلوعي وراها كآبه
لا من ذكرت لوقت عدى تشحنت=وشلون أرده بعد فاتت ركابه
وأون لا مني بحبك تمعنت=أغرق لقلبي ما روي من شرابه
وشلون تقسي ياغلا بعد ما لنت=هذا الذي ما كنت حاسب حسابه
ما كنت أظن الوقت بيقسي البنت=والرجل يضعف عقب ذيك الصلابه
إن قلت لي أحسنت مشكور وأحسنت=وإن قلت غير العبد فوقه رقابه
وأما أنا بقول مشغول بك أنت=دنياي بعدك ما تساوي ذبابه
جايز تقول إني بحبك تجننت=إن قلت هذا وين وجه الغرابه
أهواك لين أموت للحب ما خنت=هواك راضي به وراضي عذابه
أسهر معه لين الفجر وأنت ما بنت=طيفك ليا من حل عقلي سرى به
الليلة الطاروق من حين دندنت=منهل مثل الغيث ماطر سحابه
التميز
الإهداءات
دنياي بعدك ما تساوي ذبابة !!!
رد: دنياي بعدك ما تساوي ذبابة !!!
