أبيات اهديها لكم
علها تروق
أهلا هلا يا عذبة المنطوق=يا وردةٍ(ن)شذاك بأنفاسي
رسمت لك صورة بدون حقوق=وعينت للأطياف حراسي
أطياف تسهر لين وقت شروق=الليل كله تقرع اجراسي
يا زاهية بالطيب طيبك فوق=يا سكرة ذابت بلا كأسي
يا نبض عشقٍ(ن)ولع الخافوق=من كم سنة يا نادر الماسي
أدور لقلبي وأثر مسروق=عندك سنين القلب حباسي
يا ملهمة للشعر والطاروق=يا راقصة في جوف هوجاسي
يا ذوق ياللي ما بعدها ذوق=قبلك عروق القلب يباسي
حركتي بقلبي جنون الشوق=بالخافق اللي كان متناسي
برفوق يا كل الغلا برفوق=على المشاعر يا بعد ناسي
مدي يدين الجود بالمطبوق=يا ما حلا جودك ومجلاسي
في موقعٍ(ن)خالي من المصفوق=ما فيه حسادٍ(ن)وبلاسي
أقول لك حبك غدى لي طوق=عندك رميت الحال متواسي
خليني أجني للعسل وأذوق=من مبسمك يا عذب الأوناسي
عله يداوي قلبي المحروق=من حبك اللي ملهب إحساسي
ماهو مضى ما عاد فيه لحوق=واللي بقى يا طيب الساسي
بان الخلل في مشيتي والموق=فيه إختلافة من وجع راسي
متى تعالج علتي وأروق=يرتاح بالي من وجع باسي
يا طب مدري ذنب مدري عوق=يا جنةٍ(ن)يا جمر قباسي
جئتك بكلي عاشق لمعشوق=لينت لك قلبٍ(ن)قبل قاسي
ما عاد فيني صبر يا مخلوق=هواك عقب بي وسواسي
أما تجمل عالج المعلوق=وإلا تجمل وإقطع أمراسي
وإلا تعالي عذبة المنطوق=يا وردةٍ(ن)شذاك بأنفاسي
التميز
الإهداءات
عذبة المنطوق !!!
رد: عذبة المنطوق !!!
