السلام عليكم ورحمة الله وبركاته
اقدم لكم هذه القصيده والتي أتمنى بأن تنال إعجابكم وذائقتكم الشعريه
تدري وش اللي يضيق الصدر والبال = يوم الردي فالوقت يحسب حسابه
تدري وش اللي يتعب النفس والحال = الزله ليا جات بين القرابه
تدري وش اللي يمحق الرزق والمال = البعد عن نهج النبي والصحابه
تدري وش اللي يخلي دروبك اطوال = خوتك مع راع الوفا والمهابه
تدري وش اللي بين الأجواد ينقال = الحق والمعروف يامرحبابه
تدري وش اللي يجعل الناس بهبال = العود وطبله وصوت الربابه
تدري وش أردى شي مابين الأبطال = أنك تقفى واحد(ن) في غيابه
تدري وش اللي يفقد النفس الأمال = بحثك ورى المقفي وتطرد سرابه
تدري وش اللي يجعل النفس بجدال = الهرج في شي (ن)مايعرف صوابه
تدري وش اللي يجعل الرجل يحتال = الصحبه الي ضمها في شبابه
تدري وش اللي يجعل الفكر ينهال = وقت الفراغ بدون فن وكتابه
وتدري وش أفضل شى في كل الأعمال = طاعت كريم(ن)كل واحد درابه
وتدري وش أكبر شي في كل الأحوال = الواحد الي مايخيب الرجابه
الشاعر / سعد سنان الثبيتي
التميز
الإهداءات
تدري وش اللي يضيق الصدر
رد: تدري وش اللي يضيق الصدر
