زمن تال الأزمان !!!

الأبيات تعبير عن واقع مؤلم

عادة بني قومي يحبون ما كان=والمدح والتمجيد ما خلد أقوام
كبارهم عن حاضر الوقت عميان=ورعاعهم قطعان تشبه للأغنام
الواقع المشهود للعين برهان=أطفالنا ثلثينهم صاروا أيتام
اسبوع غزة تنحرق تحت نيران=والنار الأخرى والعة داخل الشام
والثالثة يم اليمن مثل بركان=والرابعة بغداد تنسف بالألغام
والخامسة ماهو ببنغازي الأن=كم راح فيها من مصلي وصوام
والسادسة سيسي مصر ضد الأخوان=اللي يقول الله ربي للإعدام
جنب لشرع الله بسنة وقران=واخذ بقانونٍ مفصلته الهام
ذبح رجال الدين وأيتم لورعان=يرفع شعار إسلام ويذل لإسلام
أكثر محبينه رعاعٍ ونسوان=ناسٍ عقيدتهم فراعين وأهرام
وش عاد باقي يا زمن تال الأزمان=ما باقي إلا نرجع لعهد الأصنام
ليا صارت الأمة تفاخر بالأوثان=كبارهم عن حاضر الوقت نيام
اخير لي أموت وأكون نسيان=ارتاح من كبر المواجع والأحلام
ما فيه داعي الحق أحزان لأحزان=موتي ولا حياة بطارد أوهام
ليا صارت العزة مذلة وبهتان=تقعد لموهمين للكفر خدام
بطن القبور أخير وأستر للإنسان=ليا صار في دنياه مشبه للأنعام
يذبح بلا رحمة ولا مخالف أديان=بإسم السياسة والتجبر لحكام
لأجل العروش الناس صاروا كما الضان=تذبح ضحايا خدمة لكل ظلام
لا والله إلا الضان تنسام بأثمان=والنفس ترخص مالها اليوم سوام
عادة بني قومي يحبون ما كان=والمدح والتمجيد ما خلد أقوام

صح لسانك واعتلا شانك ابدعت لا هنت


تقبل التحية

رائعة ومعبرة صح لساااااااااااااااانك

صح لسانك مدد ابداع يتجدد


جزلة من جزل

جزلة من شاعر مبدع


صح لساااااااااااااااانك

صح لسانك بدعت لا هنت وفقك الله

صح لسانك ورمضان مبارك عليكم

صح الله لسانك ابداع من شاعر راقي بيض الله وجهك

صح لسانك واعتلا شانك ابداع


تقبل التحية

صح لسانك مليون ولا يكفون



ابدااااااااااااااع