شمعة الديرة !!!

قصيدة من الأرشيف علها تروق لكم

يا صاحبي يا شمعة الديرة=أقسم لك بربي وصدقنا
شاعرك شل البعد تفكيره=وايضا ظروف أخرى تطوقنا
لا ترمي الحيرة على الحيره=اطلب عسى ربي يوفقنا
ترى فؤادي زاد تكديره=من شيء بأعماقي مضيقنا
أنا بلايه زايد الغيره=والهاجس اللي ما يروقنا
وأتعب ليا من جبت لي سيره=إن الزمن يمكن يفرقنا
لا ترمي البنزين بالنيره=تقبس علينا ثم تحرقنا
خل الأمور تسير بالخيره=لو الزمن والعمر يسرقنا
حبل الأمل للفكر تخديره=أخير من واقع يمزقنا
البعد ما يحتاج تبريره=فرقاك يا مملوح تشرقنا
عليه بسم الله وتكبيره=انحره كان إنه يلاحقنا
وإن كان ما تقوى لتدبيره=صارت مغاربنا مشارقنا
حكم الله الحاكم وتقديره=وحكم القدر لا شك سابقنا
الوقت له لفة وتدويره=ما تمنعه عنا مطارقنا
لكن تطمن بس تحذيره=من شاعرك ما دمت تعشقنا
عل الفرج في كل تأخيره=يمكن يعز الله بيارقنا
أهواك يا صبحي وتنويره=حبك تمكن من علايقنا
يا صاحبي يا شمعة الديرة=أقسم لك بربي وصدقنا

صح لسانك واعتلا شانك

تقبل التحية

صح لسانك وفيت وكفيت استاذ الشعر

احترامي

صح بوحك شاعرنا العذب روووووعة

الله الله

صح لسانك واعتلا شانك


تقبل التحية

صح لسانك وفيت وكفيت لا هنت


تقبل احترامي والتحية

صح لسانك لا هان راسك


موفق

صح لسانك ابداع لا يستغرب

تقبل التحية

صح بوحك واحساسك المرهف

ربي يسعدك

صح لسانك رايع

تقبل مروري