الجود من الموجود
أبيات خيالية
يدور الزمن وتجيب الأيام شين وزين
ولا هي غريبة دورة الوقت يالإنسان
نظام العليم اللي خلق كامل الثقلين
عليم ٍ بسر النفس لو سرها ما بان
وانا اشوف بالتفكير مالا تشوفه عين
ولا ادري ذكاء والا مصادف لشيءٍ حان
ملامح حسين الأولة فارقت لحسين
وانا ما هقيت حسين يخلف لطبع ٍ كان
خبرته كثير الطيب ماهو كثير الشين
واشوف الزمن غير لنفسه وطبعه شان
تغير حسين اللي من أول كثير الدين
ولا أدري وش اللي غيره تالي الأزمان
تقاسى بعد ما كان يوصف بطيب ولين
خدعه الكبر مدري مزين له الشيطان
تمادى حسين وشاف نفسه قوي امين
يحسب إنه المبصر وباق البشر عميان
تناسى حسين أخر زمانه بيرجع طين
ويرجع كما ماكان في عالم النسيان
ⒿⒶⒷⒺⓇ
التميز
الإهداءات
تمادى حسين وشاف نفسه قوي امين !!!
رد: تمادى حسين وشاف نفسه عظيم امبين !!!
