ابو خد كنه بالحلا لون تفاحي !!!

طابت أوقاتكم واليكم ما جاد به المساء

عل وعسى يرقى الى ذائقتكم

عسى البارق اللي بعد وقت العشاء لاحي=يسقي ديارك يابعد كل من حبيت
يابو خد كنه بالحلا لون تفاحي=ياليت الزمن يدنيك مني ياليته ليت
وانا لو بغيت اجيئك مسرى ومسراحي=على حافي الاقدام يالترف ما عييت
اجي لك لو إن الموت دونك والأرماحي=سهم غير سهم العشق ما ظنتي بيميت
انا ميتٍ(ن)من من عام الأول يا لماحي=غرامك مفتت خافقي بالهوى تفتيت
أنا فيك طاح القلب يوم العقل طاحي=جذبت المشاعر كلها قول وش خليت
نهبت الفؤاد اللي قبل منتبه صاحي=وشبيت فيه الشوق ناره بلا كبريت
وأنا أشهد إن العشق للعقل ذباحي=دليلي طيوفك تشغله كل ما صليت
أشوفك معي ما بين عيني ومسباحي=تنسيني التسبيح وأذكر ليا مريت
زمانٍ(ن)مضى يوم الهوى منك مرتاحي=قبل تشغلك دنياك عني بكيت وكيت
زماني بعد بعدك طفأ نور مصباحي=وليلي بعد ما غبت من سهرته مليت
ما باقي يكود الوجد بيجدد جراحي=وينكش جروحٍ(ن)قبل بمواصلك داويت
بكى ليلي السامر بعد ولت أفراحي=وناح القصيد العذب من كثر ما ونيت
يا عذب اللما حمل الهوى كيف ينزاحي=تعب منه حالي وأنت يا غايتي ما جيت
أساهر نجوم الليل لا قبل الأصباحي=وأغني بيوت الشعر بيتٍ(ن)يجر لبيت
على ساري الهاجوس تعتيم وإفصاحي=تزاحم هجوس الشعر فيني بلا توقيت
ليا من دمي فالحشا بالشعر فاحي=تغنيت لك بأعذب قصايد ليا غنيت
يالبيه يا طيفٍ(ن)معه خافقي راحي=يلبي قصيدي كل ما للغلا لبيت
عسى البارق اللي بعد وقت العشاء لاحي=يسقي ديارك يابعد كل من حبيت

صح لسانك ولا هنت ابدااااااع لله درك واصل

صح لسااااانك رائعة من روائعك


راق لبو سعد

صح لسانك واعتلا شانك


تقبل التحية

صح بوحك استاذ الشعر الراقي رووووعة

صح لسااااانك كعادتك متألق فيما تنظم من قصيد

صح لساااااااااانك مبدع بحق لله درك

صح لسانك مليون ولا يكفون ابدعت


تقبل التحاياااا

صح لساااااانك

صح لسانك روعة تسلم الايادي والذوق الراقي