اقتربنا بالمشاعر فالقلوب=لين كدنا من هوى الأنفس نذوب
ثم ضعنا في متاهات الدروب=
القدر نافذ وياحظ ونصيب
كم تمنيتك معي وأنا معك=أبصرك بالعين عندي وأسمعك
في عيوني عن ثرا الأرض أرفعك=
آه يا لوعة حبيبٍ(ن)من حبيب
السهر في جو غيرك مايروق =يا عديل الروح يالعذب الصوق
من مغيب الشمس لا وقت الشروق=
أرقب لطيفك ولا ليله يغيب
أتسلى بالأمل وأشري وأبيع=أتمنى والبعد سدٍ(ن)منيع
بالفصول الأربعة مابه ربيع=
كلها حرٍ(ن)على قلبي لهيب
الظروف الكايدة دونك تحول=والمكايد من حقودين وعذول
كيف أسوي وش تسوي قول قول=
أنت طب الروح ماغيرك طبيب
إن صبرنا وش نهاية صبرنا=وإن عزمنا وش نتيجة أمرنا
كل يوم يمر ينقص عمرنا=
الفراق صعيب ولقانا صعيب
إرفع كفوفك لربك وإبتهل=عل رب الخلق ياتينا بحل
يالله إنك ترحم لحالٍ(ن)ذبل=
ياسميع وياكريم ويا مجيب
التميز
الإهداءات
السهر في جو غيرك مايروق !!!
رد: السهر في جو غيرك مايروق !!!
