قصيدة قيلت بمناسبة الأمطار في حج عام
1426هـ
هل تذكرين أيـام جئتـي من الحــج=في زحمـة الحجـاج يوم النـزولي
ساعـة أقول: احذر! تراه المطر ثـج=والأرض صـارت كل بوهـا سيولي
يوم كنت أقول ابعد صدى صوتكِ لج=وأنت تقول العيب كنه بمحمولي
تشوش الإرسال وتوقف البرج=هاثم فصل كولك وعلق بكولي
حين اشتبك البـرق والرعــد والعـج=ماعاد ينفع وقتها من حلولي
حتى الجبال من الرعــد رجها رج=مقـدر من الأهـوال بقــوم طـولي
احـد(ن) لزمـه السيـل والبعض محـرج=في موقف(ن)عظيم والله مهولي!!
وأنــا بعينــي بالســــيول أتفـــرج=مـدري بلايــه خــوف وإلا فضولي
ذكرتكِ في لمعة البرق الأبلج=وكل المنى من دنيتي لا تزولي
أنا فدى لعيونك الخرس و الدعج=منت بعيد ولاأنت بالقرب حولي
خليتنــي أمــوت في ودكِ حـــــرج=صاحـي وقدامــك أصيـر مهبولي
فصيح لكني ليا شفتكِ كلج=تغدي عليه حجتي في مثولي
يوم إن حبـك داخـل القلـب منكـج=غـــرق معاليقــي وزود ذبــــولي
ساعــة أحس القلب من حبك انفــج=والفكــر فيه من المـــودة ذهــولي
يوم كنت أحبك وأنت عشقان للسج=شرحت لك حبي وطبعي وميـولي
كنت أتمنـى بالهـوى نندمـج دمج=نروي شباب العمر قبل الكهـولي
ونشـرب من الأقـداح ونمجهـا مـــج=نخلط بمعسولكِ شراب(ن) ومعسولي
ليـا طلبتك قلــت بالقرب تفــرج=قـل الصبر ما شفت منك محصولي
ليــا رجيتــك قلــت مثـلك وأنااحـوجِ=قريت أحلامكِ وقولك وقولي
بــارع ببسمات الهوى تتقـن الغنـج=قنعتهــا بصــورة مــلاكْ مخجـولي
ليــا زعلــت أرضيتنــي بالتبـــرج=وكلمــة غــرام ما بعدهـا كمـولي
حدائقـــك اللــي تخيلتهـــا مـــرج=بانت صحــاري خاليـات النـــزولي
عشمتنـي بالشـــام وزورتنـــي وج=وأتعبتني وعقبت فينـي خمــولِي
وأثــرك تسلى بي ومحبتــك هـرج=وإلا الحقيـقــة مـا تريديـن زولــي
خليتني مثل الفـرس ما لهـا سـرج=تبـا تسـابق بـي جميــع الخيــولي
وأنــا إلك مطــواع بالهــرج والمـــرج=أفكــر ك صــادق بهذي وذو لي
أحسبك صادق بالهوى وأنت معــوج= أثــر شـعورك عن هـواي معــزولي
صـــار الهـوى ما بيننـا مـر عسـلج=ما ينبلــع ولا يُنعطـــى بمحلــولي
صـارت وروده زهـر حنظـل وعرفـج=وصـار الكـلام الزيـن منك جفــولي
اليوم أشوف الصدق من داخلك هج=بعد البشـاشة صـرت شخص زعولي
غرامــك اللي كـان عـن دنيتـي دج=لأجـل (ن) ودك ناكـــــر(ن) للأصــــولي
صرت بحيـاتك كرت محروق بالـدرج=فرّحـت شـماتي وخصـــم وعـــذولِي
الطيب والمعــروف ترميــه بالخُـرج=وتبـا الوصــال يـدوم أنت مخَبـولي!!
تعبت من كثــر التحاليــل والعلج=ولاني شــفوق(ن) فـوق كـذب البتـولي
تقتـل بــلا ســنة وترجـــع وتحتـج=وتقــول أنـا عندي شــهود(ن)عــدولي
ما عاد نعرف لك طريقة ومنهج=عودت أسوي لي قصائد والولي
التميز
الإهداءات
تراه المطر ثـج...؟؟؟
