الأبيات بدون مقدمات وهي تعبر عن نفسها
ما كل رجال يجيد القيادة=ولا كل من حب السياسة سياسي
ليا كان عينه مثل عين الجرادة=يصير عنده بالأمور التباسي
ويا كثر في هذا الزمان البلادة=بالذات عند اللي يعشق الكراسي
البعض منهم مقتلد له قلادة=سوى سواة ام العيون النعاسي
الوجه كنه دافنه في رمادة=والقلب ميت فاقد(ن)للحواسي
الشعر كنه فوق راسه عرادة=والخد يلمع مثل لمع النحاسي
سمو محمد من غباهم حمادة=مشتال له جرو من أحفاد لاسي
يبا السعادة وين منه السعادة=مادام هذا منهجه بإنتكاسي
هذي قرادة ما بعدها قرادة=لا صار وجه الرجل مثل المداسي
هذاك ما ينفع تعينه دادة=يخذلك لا جا بالعلوم إرتفاسي
أما جلب فوقك هموم ونكادة=والا فضحك بكثر لحس التباسي
والمشكلة لا صار بمركز ريادة=لا تأمنه ماهو على شيء راسي
منته بلاقي فيه أدنى فيادة=أبعد مداه يقول لك كنت ناسي
يا خيبة اللي يرتجي به سنادة=لا والله الا طاح معه متواسي
هذي تجارب والتجارب شهادة=والعرف ثلثينه يجي بالمراسي
ومن لا وهبه الله عقل ورشادة=ماهو بصائر في زمانه سياسي
التميز
الإهداءات
البــــلادة !!!!
رد: البــــلادة !!!!
