حب الجفا لوهو مريحك ينعاب!!!

أسعد الله أوقاتكم بالخير والبركات

واليكم الأبيات

تحلم وأنا أحلم والنتائج وخيمه=لا حلم حققته ولا جرحنا طاب
حلمٍ(ن)بلا مصلوح مافيه قيمه=وحب الجفا لوهو مريحك ينعاب
ومن لا ترفع عن مواطن ذميمه=لو هو بري الناس بتقول:كذاب
ياللي سكنت بروح ولهى هميمه=فرشتك الأطياب وغطاك الأطياب
ما باقي الا ذكرياتٍ(ن)قديمه=ترتاح منها أعصاب وتبوز أعصاب
أيام واقفت والمشاعر سقيمه=والجرح ينزف ما يفيدن الأطباب
قسيت بعد لينٍ(ن)قلوبٍ(ن)رحيمه=باعت هواها ما عرفنا بالأسباب
ياشينها لا باع خلٍ(ن)نديمه=يشيب منها الراس لو كان ما شاب
ظليمةٍ(ن)ياكبرها من ظليمه=لا من رخص بالعين غالين وأحباب
ياللي سحابك في سماء العشق ديمه=وأنا صحاري تطلبك قطر سكاب
لظى سمومي ما تبرده غيمه=دام الكبود يبوس مافيه مشراب
تصعب مودتنا تعود سليمه=مر الندم ما يبري لقلب منصاب
البعد لو إنه مصيبة غنيمه=أخير من شكوى مواجيع وعتاب
والصبر بلوى والمقاطع جريمه=والصمت في بعض المواقيف غصاب

مصلفحة ملكيه



صح لسانك واعتلا شانك نقش فنان


لله درك



تقبل التقدير

الله الله



صح لسانك الى ما لا نهاية



تقبل التقدير

صح لسانك يا مبدع القوافي


تقبل التحية

ابيات جميله الله يعطيك العافيه

وليمة فكر ممتعه صح السانك

صح لسانك على هذا التألق

الرائع والفريد

لك التحيه والتقدير

صح لسانك واعتلا شانك




ابداع غير مستغرب




لله درك

ابداع منقطع النظير لله درك لك ودي وتقديري

صح منطوقك اخوي دائما مبدع ربي ما يحرمنا منك