السلام عليكم ورحمة الله وبركاته
اطرح بين ايديكم هذه القصيده واتمنى بأن تنال استحسانكم
خمسة أعوام وخط سيري من الحويه للهفوف =أكلت من حلو الرطب شربت من عذب العيون
مرت مثل لمح البصر غابت مثل نقش الكفوف = ما باقي الاَ ذكريات الخط و طراف الغصون
كله على شان القلم والعلم و أزهار الحروف = اللي تنور كل قلب بنورها هل تسمعون
العلم شمسه مشرقه لو ناشها بعض الكسوف = ما يختلف نبته مدام شعاعها في كل كون
لكن طبع القلب بعد العلم يبحث عن هنوف = تكون صيفه في شتاء قارص و تروي لظنون
حورية العينين ريانة خصر نبع الوصوف = تجلى سواد الحزن لا غيم على القلب الحنون
صوته يهز القلب كيف اليا حصل صوت(ن) وشوف = يذوب من زود الفرح سواة بردية مزون
كف العطا لجل الغلا مكتوب ممنوع الوقوف = حذرا يوقف العطا ويغيب براق الجفون
الخل مثل المال يحيي نبت طاح من الوقوف = تزهر غصونه عقب كانت يابسه مثل الصحون
المال بنزين الفواد ليا وصل ناش البلوف = تحركة مكينة القلب المحمل بالديون
الكلب ليتر اختلف وزنه ودب القلب خوف = لن الشرار من البواجي زاد ياللي تعرفون
المال زينه لكن التقوى تغني عن الوف = مخافة المولى غنى لنفس سيف الراكعون
خمسة طيور ليا لفت للقلب ماجاه الخسوف = العلم والتقوى ومال أيْعيِش وخل وبنون
يرتاح بال اللي جنا الخمسه على متن الرفوف = رفوف جوف القلب مخفيه عن اللي يحسدون
يالله ترحمنا ليا صرنا وقوف بلا سيوف = رحمتك ياللي خيرة الابرار لجلك يسجدون
التميز
الإهداءات
شربت من عذب العيون
رد: شربت من عذب العيون
