زلزال بعدك عثا بالقلب شيطانه !!!

أسعدكم الله


الأبيات بدون مقدمات

يا منية الروح قلبي صك بيبانه=ما عاد له بالهوى بعد الجفا طمعه
قصر الهوى قيض الهجران لأركانه=وشلون نقدر تشيد واحدٍ(ن)صنعه
الصد ينخر لعمدانه وسيسانه=كل ما تقربت منك اتزيدني وجعه
زود التغلي هدم عرشك وبنيانه=الحب تحته ونار الهجر من فرعه
زلزال بعدك عثا بالقلب شيطانه=حطم لقنديل حلمي وإنطفى شمعه
عامين ما شفت زولٍ(ن)سحري أعيانه=والشوق زايد بقلبي طعنه ورمعه
ما سلوتي غير طيفٍ(ن)حافظ الوانه=أخذ من البرق لون وسرعة اللمعه
طيفٍ(ن)يغازل عيوني صعب نسيانه=ايمر في سرعةٍ(ن)ويعود في سرعه
الفكر يجمح معه والقلب ميدانه=على حصان الهوى مرواح مع رجعه
لين التعب هد حيلي والشقا عانه=ذبح حلوم الزمن من شدة الصرعه
يا منية الروح قلبي صك بيبانه=ما عاد له بالهوى بعد الجفا طمعه

صح لسانك دائما مميز



تقبل التحية

صح لسانك وبيانك روووعة بس قوية تسلم الايادي

ابداع جميل

كما عودتنا

صح الله لسانك


تقديري

صح لسانك وبيض الله وجهك

دمت لنا قلما نابضا بالابداع

والتميز الراقي

لك اجمل التحايا

تسلم الايادي وصح نبضك رووووعة

صح لسانك واعتلا شانك ابدعت لا هنت


خالص الاحترام

تسلم الايادي وصح لسانك ربي يوفقك

صح لسانك رائعة من روائعك


راقت لأبو سعد

صح لسااااااااااااانك وسلم بناااااااااااااااانك