مشاريه الزمن !!!

أسعد الله أوقاتكم بكل خير

من الأرشيف الماضي

عتاب أصحاب

ياليل اشهد على ما اقول لا تشهد على المنقول=تراني عفت لي ناسٍ(ن)يحسبون الوصال هبال
تسمع في قصيدي وافهم اللي بالقصيد أقول=رسالة واضحة للي يميز كل ما ينقال
رفيقي يفهم المقصود بالمكتوب عرض وطول=وأنا ماني زبون لشيء لا يشرى ولا ينطال
خلاص أنا عزمت أقطع علاقة حبلنا الموصول=ما دام إن الصدود أصبح علامة مقبل الأفعال
على شأنه ومن شأنه تركت العقل والمعقول=وفضلت البعاد أحسن من اللي كيف صار وقال
بأمان الله يا وقتٍ(ن)جمعنا والليال تهول=عرفت إن البشر مثل الليالي نازل ورحال
ابرحل وأترك المنزال والقى بالزمان حلول=ولاني بأول اللي يترك النزال والمنزال
بوسع صدري الضايق وأجرب حظي المجهول=كذا مدري كذا رحلة عمر والحال بعده حال
رفيقي بعد جافاني يجي له يوم قبل الحول=وأنا ماني بناشد عنه وشلونه وكيف الحال
ما عاد يهمني بعد التجافي جية المرسول=قطعت الوصل مثله يوم عني شح بالمرسال
وأنا أدري فعلنا كله مخالف عادةٍ(ن)وأوصول=لكن اللي بدا بالسالفة قطع لحبل وصال
ما عاد يفيد نرجع مثل ما كنا بدون زعول=على ما قالت الأمثال ضاع الحمل والحمال
مشاريه الزمن ما بيننا صارت ثقيل حمول=وأنا ماني بشايل حمل لا ينفع ولا ينشال
ياليل اشهد على ما اقول لا تشهد على المنقول=تراني عفت لي ناسٍ(ن)يحسبون الوصال هبال

صح لسانك العتاب صابون القلوب

والرفقة حقوقها كبيرة من لا يحترمها لا يحترم

الله ما فيه خير ما ينفك

صح لسااااااانك

قصيدة قوية صح لسااااااااااانك

صح لسااااانك


تقبل اعجابي

صح بوحك استاذنا كعادتك مبدع اتحفتنا بقصيدك

صح لسانك ولا هان راسك


تقبل التحية

صح لساااااانك قصيدة راقية ومعبرة


احترامي

صح لسانك وهاجسك شاعرنا الراقي

صح لسانك دائما مميز


تقبل التحية