بمناسبة زواج الإبن حازم الليلة 1438/5/4 هـ
وأقول ما قال صلى الله عليه وسلم
بارك الله لهما وبارك عليهما وجمع بينهما في خير
بسم الله الواحد الرحمن مبدا علام=وأثني مصلي على محبوبنا المصطفى
الليلة الحفل طيبه من حضور الكرام=في حفل حازم تشرفنا بمن هو لفا
يا مرحبا يا هلا عداد وبل الغمام=واعداد حكي الوجيه وعد حكي القفا
ترحيبنا واجبٍ(ن)للي حضر بالمقام=وأهل الوفا مالهم إلا نقدم وفا
أول تراحيبنا للي يرد السلام=الله يحييك واقلط فوق بن وصفا
تشريفك لحفلنا أضفى عليه التمام=واللي يجي للمواجب ما يعود قفا
الطيب راعيه ما يلحقه نقص وملام=والوجه الأخر لبعض الناس عنا خفا
الفعل يا ضيوفنا ما ينوزن بالكلام=وأنتم بحلة معزبكم بظل ودفا
وأول مواجيبكم يا حشام عند الحشام=لو نفني البن الأشقر والشحم ما كفى
حيثنكم عندنا عالين قدر ومقام=الكل قدره رفيع وعرفه يشرفا
يا ربعنا يا عوانينا يا درع وحزام=يا جار وإلا خوي للجنب طيبك ضفا
يا تاج راسي على صدري ثمين الوسام=يا نور ساطع لعيني للأبد ما طفا
والمعذرة كان جا تقصير وإلا زحام=ترى هدفنا رضاكم واستروا ما هفا
ومبدأ كلامي أعيده لأجلكم بالختام=يا مرحبا عد خلق لواحدٍ(ن)ما غفا
ولا باقي إلا نرحب وإقلطوا للطعام=على عشاكم عساه بصحتين وشفا
والحمد لله نهاية كل فعل وعلام=صلوا على المصطفى صلوا على المصطفى
التميز
الإهداءات
حفل حازم !!!
رد: حفل حازم !!!
