السلام عليكم ورحمة الله وبركاته ,,,
قصيدة خيالية.. اتمنى تعجبكم
عسى الله يهنيك من قلب سامي..
اللي عشق صوتك وحسك وطاريك !!
حسيت في فمك فراق وكلامي ..
سكتي خفتي تجرحي قلب مغليك !!
حتى انا ساكت وقلبي حطامي ..
ماودي ابكي من عذابي وابّكيك !!
حسيت كن الموت بالعين حامي ..
من يوم قلتي سوّ .. فيني مايرضيك !!
حتى ولو متنا جياع وظوامي ..
احسن من العذاب ..لاجبرت اخليك !!
وحسيت كن الموت داخل عظامي ..
من يوم قلتي جات عينه بعينيك !!
ماني اناني .. بس حبي وغرامي ..
واشواقي ونزفي ودمعي .. تناديك !!
أغار حتى لو يقول السلامي ..
حتى ولو مالمست يدينه يديك !!
لاتلومي قلبي ظلم قلبي يلامي ..
وهو اللي لو غبتي دقيقة يحاتيك !!
وشلون ابصبر وانا من قبل عامي ..
مامر يوم الا وانا فيه احاكيك !!
سنة وانا مااقدر ولا آآعرف انامي ..
الا وانا اضمك بقلبي واغطيك !!
وانتي تغني ( يالله رح ياحمامي ..
حبيبي يبغى ينام ) بكرى نناديك !!
وفي كل حلم اشوف زولك امامي ..
وفي كل صبح اصحى على صوت اغانيك !!
تدعينلي من قبل لاطلع دوامي ..
وتنزل دموعك من نزاهة دعاويك !!
ابوك جبّار وخطيبك حرامي ..
ماقّدروا حبك .. ولا سآآلوا فيك !!
بنات الاعمام لعيال العمامي ..
يعني ياعاشق موت .. ربك معنيك !!
اقسم لك اني حبي شريف(ن) وسامي ..
واكبر دليل يديني مالمست يديك !!
طفي وصالك واتركيلي ظلامي ..
ابشعل الذكرى بليلي واناجيك !!
روحي بحفظ الله مراح الكرامي ..
اللي غلاهم صدق مافيه تشكيك !!
وأنا اوعدك ..لوجرح فرقاك دامي ..
اني لعيشك حاضر بذكر ماضيك !!
واني ولو قلبي لغيرك يسامي ..
مابيع حبك .. واقضي العمر شاريك !!
واني لخطك شعر وانثر هيامي ..
ياصفحة .. الايام ماهيب تطويك !!
حب(ن) حيينا في لياليه عامي ..
يكفيني عن باقي حياتي ويكفيك !!
وسلامتكم
التميز
الإهداءات
ابشعل الذكرى ..!!!!
