عساكم بخير
الأبيات مثل ما جات
الليلة القلب ثائر والقصائد سلاح=وده يحرر لذاته من جنود الهوى
اللي تولت عليه بدون شرعٍ(ن)مباح=مقهور موجوع ما حصل طعام و دوا
حكم الهوى كل عرقٍ(ن)بالخفوق استباح=لين انظلم وانكوي ما طاب بعد انكوى
يا عز حالي بعد قلبي من الحب طاح=طير لنوم العيون وكل عضوٍ(ن)عوى
أسامر الليل كله لين وقت الصباح=أغازل أطياف مضنوني بليا روى
الريق يابس وجسمي قاسيٍ(ن)م استراح=يا قلب كلي على بعضي بهمك سوا
وشلون يرجع علينا بالمنى شيء راح=محال يرجع صبي شايب ليا من ثوى
لو القصائد تمرد ما نفعها كفاح=الوضع كله معقد مير شعري نوى
حكم الهوى ما يزيحه غير صوت الفلاح=هذا دوا كل قلبٍ(ن)بالمحبة غوى
والمعذرة يا قصيدي طالبك بالسماح=ما فيه قلبٍ(ن)تعلق فيك غير انشوى
الليلة القلب ثائر والقصائد سلاح=وده يحرر لذاته من جنون الهوى
التميز
الإهداءات
القلب ثائر والقصائد سلاح !!!
رد: القلب ثائر والقصائد سلاح !!!
