ضميتك(ي)مابين رمشي وعيني=وأطرقت رمش العين خائف تروحين
وأخذك قلبي واودعك للبطيني=وزعك مابين العصب والشرايين
واصبحت في حبك اسير رهيني=واشغلتني عن باقي الناس يازين
هذي بدايةقصتي يا ضنيني=الّلي بها دخلت درب المحبين
بديت مشواري معك بالحنيني=ولاني بداري اخر الدرب لاوين
لو غبت عني يوم أبقى حزيني=وإن شفتكم فرحي يكفي ملايين
ولاني بداري أنت مثلي تبيني=ولا مقفي مثل ناس(ن)مقفين
والمشكة إنك عدل تعرفيني=أهوى التراب اللي برجلك تدوسين
لنتي بعيد ولا قريبه يديني=لكن ما شفتك بعينك تلدين
مدري جفا والا تغلي يا زيني=والا بقلبك غيرنا من تودين
ذا الحين بقطع شكنا باليقيني=ما عاد الك معذار ذا لحين تدرين
بعلن غرامي بس بينك وبيني=لا تكشفين أسرارنا للخبيثين
إن راق لك ما قلت هذي يميني=واللي تبينه من ملذات تلقين
بعطيك كل العمر لو تأمريني=قول الذي يرضيك وأنتي تمونين
بس المهم أرجوك لا تحرميني=لموت مقهور(ن)وفيني تعزين
التميز
الإهداءات
أنتــي تمونين...؟؟؟
رد: أنتــي تمونين...؟؟؟
