أرخت اللثمة دلع مدري تحدي !!!

أسعدكم الله بكل زمان ومكان


اليكم حصيلة هذا اليوم علها تعجبكم

الأبيـــــــــــــــــــــات

قابلتني بالطريق وقلت عدي=عن هوى التلعات من عامين تايب
أرخت اللثمة دلع مدري تحدي=تكسر النظرات ما تخشى المعايب
قلت تكفي طالبك وراك صدي=لا تجيبي لي بنظراتك مصايب
قالت أجل تعترف ما أنته بقدي=قلت:وابصم بالعشر والبال طايب
قانعٍ(ن)واللي مضى قبلك يسدي=لا تبليني بعد ما صرت شايب
جنبي عني قبل ينباح سدي=روحي لحالك وخلينا حبايب
قالت:أنا معجبه ما هو بيدي=مقدر ابعد لا تسوي لي غلايب
ما يهم العمر لو هو قد جدي=دام قلبي فيك يا مخلوق ذايب
الخفوق اللي بصدري صار ضدي=ما يبي غيرك رضا وإلا غصايب
قلت:يا بنت الشقا وش ذا التمدي=بالغصايب يا عجايب ياعجايب!!!
بعدي عني ترى ما أنتي بودي=خافقي مشغول في مضنون غايب
بالغلا يسوى جميع البيض عندي=وبالحلا ما له بكل البيض نايب
كمله ربي بذوق وحسن خدي=تحفي لخده نسانيس الهبايب
الجواهر تعشق لمعصم وقدي=مثل عشقي للمفاتن والترايب
ساحرٍ(ن)للروح في قربٍ(ن)وبعدي=من قدم رجليه لا حد الذوايب
غير ولفي بالزمن ما عاد بدي=هُو حبيب الروح من غُرب وقرايب
طول عمري في هوى المضنون جندي=لين عمري يختفي تحت النصايب
مير عني يا فتاة السوق لدي=روحي بدربك وخلي للطلايب
ردي اللثمة على المكشوف ردي=لا يشوفونك مدورة النشايب
حيدي عني وخليني أعدي=عن هوى التلعات من عامين تايب

مقعد امامي:صح لسااااانك شاعرنا المميز ابداااااااااااع

طول عمري في هوى المضنون جندي

لـيـن عـمـري يختـفـي تـحـت النـصـايـب

مـيــر عـنــي يـــا فــتــاة الــســوق لــــدي

روحــــــي بـــدربـــك وخـــلـــي لـلـطــلايــب

ردي الـلـثـمــة عــلـــى الـمـكـشــوف ردي

لا يــشــوفــونــك مـــــــــدورة الــنــشــايـــب

صح لسساااانك

قصيده مميزه

يعطيك العافيه

صح لسانك ابدعدت لا هنت




تقبل التحية

صح لسانك واعتلا شانك يا استاذ الشعر



رائعة من روائعك

الله الله



ابداع صح لسانك للرضا


تقبل التحية

تسلم الايادي وصح نبضك قصيدة جميلة ربي يسعدك

الله الله


صح لسانك مليون ولا يكفون


ابداع معهود


تقبل التحية

الله الله


صح لسانك مدد ماهو عدد


كعادتك مبدع لله درك


تقبل التحية

يا سلام عليك


صح لسانك يا استاذ


ابدعت لا هنت