قلبي عطاك الهوى وأبقى لي اليأسي !!!

أسعدكم الله جميعا

يالربع النت زفت له عندي حوالي اسبوع

شكل مرجانة خربت الموديوم عشان ما وفيت لها بالوعد اني أنزل لها كل ليلة قصيدة

والظاهر أنا وهي بنرفع خلافنا للمحكمة الدولية

تابعونا ...


اليكم الأبيات

ياللي بقلبي وروحي من زمن ضفتك =تجري مع الدم بعروقي وأنفاسي
تركض مع الدم سعيتك وطوفتك=حمستني بالهوى والشوق حماسي
أجبرت روحي على الخفاق وظفتك=لينت قلبي لحبك ماهو بقاسي
ياما بقلبي على النبضات وقفتك=شرحت لك صدق حب القلب وإحساسي
شرفتني في غرامٍ(ن)فيه شرفتك=يا ذوق ياراقيٍ(ن)ياعذب الأوناسي
من بد كل البشر للروح صنفتك=الأول بعالم أشواقي ونبراسي
وحلفت لك بالله الخالق وحلفتك =إنك حبيبي وروحي وأهلي وناسي
وصفت لك صادق إحساسي و وصفتك=حتى تعدت وصوفي كل مقياسي
أزعل ليا مرني يومٍ(ن)ولا شفتك =يضيق صدري وأحس صداع في راسي
من وجعتي عفت نفسي بس ماعفتك=أذكرك في نومي ومشيي ومجلاسي
أطوف كل البشر إلا أنت ما طفتك=بالفكر حبك تولى قرع الأجراسي
ظلمت روحي لكني مني أنصفتك=قلبي عطاك الهوى وأبقى لي اليأسي
ياللي بقلبي وروحي من زمن ضفتك =تجري مع الدم بعروقي وأنفاسي

مصافحه اولى للابدااااااع

صح الساااانك يابن هليل ويعطيك العافيه

تحياااااااااااااتي

تسلم الايادي شاعرنا المبدع ربي يسعد قلبك

صح لسانك قصيدة اكثر من ممتازة

بدعت الله يطول بعمرك


موفق

قمة الابداع

صح لسانك وسلم بنانك استاذ الشعراء

استاذ الشعر والشعراء صح نبضك ربي يسعدك قلبك

صح لسانك شاعرنا المبدع

بيض الله وجهك

لك تحيتي وتقديري الخالص

صح لسانك واعتلا شانك دائما مبدع في قصائدك

راقية من شاعر راقي صح نبضك وكل كيانك