تقول مشتاقة وأنا اقول مشتاق !!!

أسعدكم الله

اليكم الأبيات بدون مقدمات

اربع سنينٍ(ن)ماضياتٍ(ن)على ساق=
قلبي ورا سيد الخراعيب مسيوق=
تقول مشتاقه وانا اقول مشتاق=
والحظ عيا يجمع الشوق بالشوق=
نشفت من اللوعة طريات الأرياق=
والشوق نشّف بالحشا دم وعروق=
كيف السوايا يا بعد كل ما لاق=
الصدر كنه فوق الأنفاس مطبوق=
أربع سنين تزيد لوعات الأشواق=
منها فؤادي يا هوى البال محروق=
أسامر أطيافك على ون وشهاق=
كل ما قضى طاروق غنيت طاروق=
هذا نصيبي صرت للطيف عشاق=
وانا لطيفك يا أريش العين معشوق=
انا وطيفك نقضي الليل بعناق=
لا هو يروقني ولا طيفك يروق=
من حزة الهجعة ليا وقت الإشراق=
حلو الكرا ما طب في داخل الموق=
سم السهر ما يعرفه غير من ذاق=
اللي فؤاده بالهوى صار معلوق=
أربع سنين الحب ينزف بالأعماق=
والحال من سم السهر صار مسروق=
القاه حولي كل ما خاطري ضاق=
يفرض علي حقوق وأعطي له حقوق=
نعم الخوي ما باق عهدٍ(ن)وميثاق=
هذا الرفيق اللي على الراس من فوق=
اربع سنينٍ(ن)ماضياتٍ(ن)على ساق=
قلبي ورا طيفك من الشوق مسيوق=

صح لسانك واعتلا شأنك ابدعت لا هنت


تقبل التحية والاحترام

صح لسانك احسنت لله درك ايها الشامخ

صح لسانك شاعرنا ربي يسعدك ابداع في ابداع

صح لسانك مليون ولا يكفون



رائع ما سطرت يا استاذنا


تقبل التحاياااااااااااااااااا

طرح جميل جدا وعطر من عطور النفس

طيّب الله روحك...

صح لسانك مدد بدون عدد


ابداع يتجدد

تقبل التحية

صح لسانك مليون ولا يكفون خالص الاحترام

صح لسانك يا استاذ الشعر قصيدة منتهى الروعة

صح لسانك وكل كيانك ابداع يتجدد لله درك