السلام عليكم ورحمة الله وبركاته
مساكم الله بكل خير وصبحكم الله بمثله
هذه الأبيات للشعراء ومحبي نظم الشعر
المعذرة ماني مدور مثالب=ما قصدي الا بالقصيد أتسلى
اليا طرأ لي قاف يافكر جاوب=إكشف غموض القاف حتى تجلا
لا يهمك اللي بالطواريق غاضب=الشعر بعضه حكمة(ن)ما تملا
جر القوافي والليالي تجارب=من كل لون ولون جهز وخلا
أحيان أنا والقاف نبا نتضارب=أحداه عن درب الخطأ قال:إلا
عند الخطوط الحمر يا قاف حاسب=وقف عن الممنوع وإحذر تزلا
الدين والأعراض وأهل المناصب=ثلاثة أشيا فوقها لا تعلا
خلك فطين وشوف موجب وسالب=والبيت يعرف فارغه والمملا
والعد مسمه عد لا كان ناضب=والفرق واضح بين نعم وكلا
واللي كفوفه ملس ماله مخالب=ما تشبعه عينه لشيء تحلا
حتى السيوف اللي بليا مقاضب=من شالها بالكف يمكن يذلا
ياكم ناس أخذت شديد المقالب=بسباب قاف تل الأرواح تلا
ما عاد ينفع وقتهن المعاتب=ترى الجمل لا نوخ لحمل شلا
إن كان حمله زين جاب المكاسب=وإن كان حمله شين للكبد علا
التميز
الإهداءات
المعذرة ماني مدور مثالب !!!
رد: المعذرة ماني مدور مثالب !!!
