غابت شهور وجات وتقول وشلون !!!

أعدكم لله

الأبيات

غابت شهور وجات وتقول وشلون=وشلون حالك بعدنا والعزيمه
قلت:الصحيح الحال من دون في دون=ما صارت أيام الزمن مستقيمه
قالت:كذا الدنيا معاناة وحزون=متقلبة ما بين عدل وظليمه
تدبير رب الكون بالناس والكون=أيام فيها بخل وأخرى كريمه
قلت:السنين تمر والناس يفنون==وشرجعك بعد الهجر يا فهيمه
قالت:بجدد شوق بالقلب مدفون=رجعت أجدد ذكرياتٍ(ن)قديمه
عادت ورحب خافقي الف مليون=يامرحبا واهلين حب وحشيمه
من بعدها يا عذب الأنفاس ممنون=جيتك من بعد المغيبة غنيمه
خفت جروحٍ(ن)من مغيبتك وغبون=عاد التعافي في عروق(ن)سقيمه
أنعشت قلبي يا عسى البيض يفدون=كلك على بعضك دلالٍ(ن)وشيمه
شرحت صدري يا بعد كل مزيون=حلو اتصالك رحمةٍ(ن)يارحيمه
ياللي غلاها داخل الروح مضمون=ما غطته سود الليال المقيمه
هويتها والناس ماهم بيدرون=إن الغلا لإحساس روحي نديمه
بين الحنايا حبها دوم مصيون=مصيون عن قوم الحكي والنميمه
غرامها ما عشت باقي ولا يهون=يكبر غلاها والنوايا سليمه
غطيتها بالرمش وفراشها النون=ضيفتها حلو المشاعر وليمه
أنا وشعري فيه فاتن ومفتون=راق المزاج وقافي الغيث ديمه
من فيض قلبٍ(ن)للغلا دوم مرهون=يهطل محبة والطواريق غيمه
هديته مني تراحيب ولحون=إسمه ورسمه فوق شعري وسيمه
غابت شهور وجات وتقول وشلون=وشلون حالك بعدنا والعزيمه

صح لسااااااانك دائما مميز


تقبل التحية

صح لسانك واعتلا شانك ابداع يتجدد


تقبل التحية

صح لسااااااااااااااااانك


تقبل اعجابي

رائع لله درك


صح لساااااااااانك

رائع يا شاعر الابداع ربي يسعدك وما يحرمنا من ابداعاتك

صح لسااااااانك يابن هليل ويعطيك العااااااافيه

احتراااااامي

صح لسانك واعتلا شانك ابدعت لا هنت


تقبل التحايااااااااااااا

صح لسانك مليااااااااااااااااااار


خالص الاحترام

صح لسانك قصيدة راقية برقي شاعريتك