ياثقل بعض المزح لو هو محبه !!!

مساكم طيب وسرو

واحد الله يجزاه خير مزح عليه مزحة بغت تجيب العيد 3

بغا يوقف قلبي لكن اللي بيقول سلامة قلبك بعطيه وسام

عاد الله ستر وإن شاء الله ما يكررها

ياثقل بعض المزح لو هو محبه=بعض المزوح تجيب في وقتها العيد
اما زعل صاحبك من غير سبه=والا تفرح بالمزوح المقاريد
والا وقف من صدمة المزح قلبه=من عقبها ياعذر ما عاد بتفيد
إن عاتبك بتشوفها منه صعبه=وإن جاملك بالصبر للجرح لا تزيد
دور دوا للجرح وإعرف لطبه=لا تستهين بجرح ناسٍ(ن)أجاويد
وإن سامحك صاحبك خلك بقربه=وإحذر بعدها تثقل المزح وتعيد
مهد لمزحك قبل فوقه تذبه=ترى المفاجا بالحكي يكسر القيد
تخسر صديقك ثم تأخذ لذنبه=تصبح مودتكم بعد حب تنكيد
ومن لا يراقب قبل يمزح لربه=المزح بعضه يجلب الحزن لسعيد
ياثقل بعض المزح لو هو محبه=بعض المزوح تجيب في وقتها العيد

سلامة قلبك


هههههه

ابي الوسام

وصح لسانك

اي والله صدقت المزح الزائد شين وكل شيء زاد عن حده ينقلب لضده

استاذي بن هليل :القصيده مع سطور المقدمة جميعها مبهجة شيئ مختلف

وسلامة قلبك ابغي الوسام ..

صح نبضك ولذاتك النقاء زهور الفرح

تقديري

اقتباس : المشاركة الأصلية كتبت بواسطة أسد العرب [ مشاهدة المشاركة ]

سلامة قلبك هههههه ابي الوسام وصح لسانك اي والله صدقت المزح الزائد شين وكل شيء زاد عن حده ينقلب لضده

اقتباس : المشاركة الأصلية كتبت بواسطة عبير الشوق [ مشاهدة المشاركة ]

استاذي بن هليل :القصيده مع سطور المقدمة جميعها مبهجة شيئ مختلف وسلامة قلبك ابغي الوسام .. صح نبضك ولذاتك النقاء زهور الفرح تقديري

يا هلا بطلتكم وصحت ابدانكم


ابشروا بالوسام

طلبت من المصنع يفصل وسام مخصوص


تقديري لكم

سلامات والله ياابا حازم وعز الله ان الحكي بالمفاجا يكسر القيد عموما نظمت فاجدت فلله درك لك تقديري واحترامي

صح السانك واعتلا شانك

فعلا بعض المزح مزعج جدا

ان اشهد ان المزح الثقيل يوجع



صح لسانك وفيت وكفيت


نظمن فاجدت

طرح رائع ومعبر عن حال يعاني منه الكثير في سلوكهم صح نبضك

صح لسانك


صدقت المزح بعضه مو بزين

سلامة قلبك . يابن هليل وصح السانك .