أسعد الله لياليكم وأيامكم
الأبيـــــــــــــــات
علها تروق لكم
ياللي ملكت القلب والفكر والروح=أرجوك لا تلعب بنبض المشاعر
وإن كان قصدك تلعب بقلب مجروح=يهناك يا عذب اللما قلب شاعر
ليا كان هذا فيه للزين مصلوح=سو الذي يرضيك والرب ساتر
أرقص على قلبي لو القلب مذبوح=تلقاه يا كل المنى دوم صابر
كرمان لعيونك بلا شيء مسموح=حتى العتاب أدراه كرمان خاطر
حيثي وهبتك خافي السر والبوح=وأسكنتك الخفاق تنهى وتأمر
أهواك إيه أهواك بالصمت والنوح=يهواك كلي لو طعنت بخناجر
حبك قدر مكتوب لوعات وفروح=غرامنا بين المخاليق نادر
غرامنا ماهو سويعات ومزوح=غرامنا طول الزمن دوم عامر
لقيت به معنى وجودي يامملوح=روحي وروحك للمودة تشاطر
طيفك أنيسي في غيابك ولا يروح=رفيق روحي بالليالي يسامر
أشكي له أشواقي هداياك وشحوح=يشكي لي أشواقك بليا محاذر
يلهم قصيد فيك حسرات و مروح=بين الرجأ واليأس وأمن ومخاطر
ياللي ملكت القلب والفكر والروح=أرجوك لا تلعب بنبض المشاعر
التميز
الإهداءات
أرقص على قلبي !!!
رد: أرقص على قلبي !!!
