كالعادة الأبيات بدون مقدمات
حي الكلام الزين لا جا من الزين=يلقى صدى بالروح ويريح أسماع
لا قال لك مرحب ورديت بهلين=تنسيك كل هموم نفسك والأوجاع
هذا الذي يستاهل يحط بالعين=وليا عطيته شيء تلقاه ما ضاع
اليا طلبته شيء ما قال بعدين=تلقاه في كل المواقيف مطواع
يطلب رضاك ولا يسمعك بالشين=على النقا صريح ماهو بقطاع
هذا الذي من بين كل المحبين=يستاهل التقدير من حسن الأطباع
هذا الذي روحه ورود ورياحين=يقطف من أعماقه ويعطيك ما باع
ينقلك ما بين روض وبساتين=وليا شكيت من الجفا جاك فزاع
ما ينتظر طلتك من حين لا حين=تلقاه دائم معك في كل الأوضاع
يعطيك من غير ما يحسبه دين=وليا وهبته شيء ماهو بطماع
ودك تسوي فيه شعرك دواوين=هذا عديل الروح بصيف ومرباع
التميز
الإهداءات
عديــل الـــروح !!!
رد: عديــل الـــروح !!!
