ابن هليل تفضل على الشبب

ياسلامي علاكم والذهب موجود= واهل مكه عساهم مايحسبونه
انت اظنك محالف مع بني مسعود= والعسل من صحونه مايجيبونه

حياك الله يا أبا شجاع

ياهلا مرحبا والطيب لك ممدود=الذهب راس مال اللي يصونونه
ماني بحاجة للقرد والمقرود=يا عسى ما وراه يحول من دونه

عابد عبدالله الثبيتي

صح السانك بدعه جزله من رجل جزل

ونحن بأنتظار بن هليل .. متاااابع لكم .. تقبلو تحياااتي الخاااصه

صقر عتيبة

شكرا لك عزيزي صقر عتيبه لك مني كل حب وتقدير

البقا عد مانبت الثمر فالعود= وعد غيث يقود وتمطر مزونه
مارابا اقول لك وضح النقا مجرود= مار مادون هذا العلم مادونه

الله الله

أنت عندك خزائن كشفها مرصود=متعبين الحكومه ما تزكونه
منت فوق العرب ياصاحبي محدود=خاركم بالقدور ولا تغطونه

ياالمعزب ترى بعض العلوم تقود= وانت لاتشري الا كل مزيونه
وانتبه لاتقرب شعلة البارود= وانت رجل يشوف الدرب بعيونه

ما كسبت الكسايب في زمان الفود=الحيا منت حوله عش من دونه
الفقر والضعافة مكسبن للعود=لا تخيل سحاب(ن)شطح مزونه

صح لسانك وابيض وجه يابن هليل

الله الله على المبنى والمعنى والجزاله

صحت الالسن وبيض الله وجيهكم

فالكم التوفيق