أسعد الله أوقاتكم بكل خير
الأبيات علها تروق لكم
وين القلم وين المحابر والأوراق=بطلق مشاعر بالحنايا سجينه
بنسج من الهاجوس بالشعر ما لاق=نبض المشاعر ماني بمستدينه
ماني بلعانٍ(ن)ولاني بزهاق=لو كان فكري لاعبٍ(ن)به قرينه
شعري سحاب يمر راعد وبراق=يسعد قلوبٍ(ن)لليالي رهينه
لو كان ماني مرضيٍ(ن)كل الأذواق=ببذل لجهدي بالجزل والسمينه
أنظم قصيدي كل ما هاجسي راق=وأنظمه ما بين الزعل والسكينه
أسلي الخاطر ليا خاطري ضاق=والعقل راسي والمعاني رزينه
حرك هجوسي طيف للفكر سواق=طيف الحبيب اللي حنيني حنينه
هواه متغلغل بروحي فالأعماق=يرجف بقلبي مثل رجف المكينه
غلاه مثل الدم بالقلب دفاق=أغرق لقلبي من يسار ويمينه
أبحر بقلبي في متاهات الأشواق=قلبي على موج المحبة سفينه
ربانها غروٍ(ن)له القلب رقراق=أخذه مني بالرضا مو غبينه
يكويه بالأشواق والشوق حراق=مثل الجمر يكوي ضلوعي دفينه
ما فيه لا رحمة ولا يعرف إشفاق=يشتب من خلف الضلوع الحزينه
أون ون اللي من الضيم منعاق=مكسور قلبه ما لقا من يعينه
ماكني اللي كنت بالعزم سباق=لولا الظروف القاسيات اللعينه
ما كان نبض القلب من حسرتي ذاق=جرح الهوي واصل لداخل بطينه
من صدمة الهجران ينزف ولا فاق=قسى عليه الوقت من بعد لينه
عقب الوصل يشكي من بعاد وفراق=دقات عشقه في عروقه مكينه
اليأس يحلق به مثل موس حلاق=ولى ربيع الوصل والحظ وينه
وش به تخلا عقب ما خافقي تاق=لوصال من عيني تمنى لعينه
قطع الوصل أشد من قطع الأعناق=يذبح مشاعر بالحشا مستكينه
ومشكاي للي قدر أعمار وأرزاق=يلطف بحال اللي تزايد ونينه
وين القلم وين المحابر والأوراق=بطلق مشاعر بالحنايا سجينه
التميز
الإهداءات
قلبي على موج المحبة سفينه !!!
رد: قلبي على موج المحبة سفينه !!!
