كلمتها والقلب ينزف لها شوق !!!

شعر ومشاعر

الفاتن اللي كاملة حُسن مع ذوق=
كنت أتمنى بالزمان نتخاوى=
غنيت له من نادر الشعر طاروق=
من لهفةٍ(ن)بالقلب مدري شكاوى=
بأسبابها حالي من الشوق مسروق=
سرق الحقوق البينة بالرشاوى=
كلمتها والقلب ينزف لها شوق=
والعين تدمع والمشاعر تعاوى=
قلت:إرحميني صرت ناشف ومحروق=
مواجعي من بعدكِ(ي)ما تداوى=
قالت:تصبر يصفي الجو وتروق=
قلت:الفرح والحزن عندي تساوى=
دام الهوى ملك شرايين وعروق=
والحظ عاند ما هقيت برهاوى=
من عقبكِ(ي)ماعاد بأيامي فروق=
حتى نظر عيني مصاب بعشاوى=
غيبتك عني عقبت فيني فتوق=
عزايمي على جروحي تهاوى=
صدري من الونات ضايق ومطبوق=
ما أظن لوعات المحبة تشاوى=
مشكاي للي نزل الغيث من فوق=
وأنبت بقطره شاهقات وبغاوى=
يرحم لحالي بعد ما عاقه العوق=
مالي على حكمه نقوض ودعاوى=
قادر يقرب كامل الحسن والذوق=
ماهو بقا من عمرنا بنتخاوى=

يا سلام على الابداع


صح لسانك وتشرفت بان اكون اول من رد

يسعد صباحك وصح لسانك رائعة من روائعك

لله درك قصيدة راقية صح لسانك


تقبل التحايااااااااااااااا

صح لسانك ومنطوقك شاعرنا الراقي ربي ما يحرمنا منك

تسلم الايادي وصح لسانك ايها القدير

صح لسانك اكثر من رائعة مبنى ومعنى لله درك

صح لسانك شاعر الابداع ربي يسعدك

يعطيك الف عافية وصح لسانك



تقبل التحية

صح لسانك مدد ماهو عدد ابدعت لا هنت


تقبل التحية