تلعب بي الأحلام والقلب شفقان !!!

أسعدكم الله

أبيات سريعة لعيونكم علها تروق لكم

لو كنت عندي يا هوى البال ما كان..!=تعبت واتعبت العيون بسهرها..!
كان استرحت ونمت والبال نشطان..!=والعين ما هلت سحايب مطرها..!
الليل كله متعب طروق الألحان..!=أون وضلوعي غرامك فجرها..!
تلعب بي الأحلام والقلب شفقان..!=هواجسٍ(ن)بالفكر تجمح فكرها..!
عليك يا بعد النظر دوم ولهان..!=أبيك يانور الليال وقمرها..!
هواك صاب القلب والروح بإدمان..!=قلبي من اللهفة ضلوعي كسرها..!
ما عاد ينفع بالهوى سر كتمان..!=العين فاضحني تسابق عبرها..!
ودي بشوفك يكحل لحمر الأعيان..!=اللي طيوفك مشغلاتٍ(ن)نظرها..!
مير البلا دونك مسافات وأوطان..!=النفس ما تأمن مكامن خطرها..!
كل ما نويت أجئيك حدتني أشطان..!=والنفس مكتوبٍ(ن)عليها قدرها..!
محتار كيف أقوى على جور الأزمان..!=اللي حدتني عنك وأمسح لأثرها..!
تدبيرها بيدين قيوم رحمن..!=اللي على ما يشتهي قد ومرها..!
حكمة وتدبيره على كل الأكوان..!=يعلم بماضيها وقادم خبرها..!
الكل خاضع له من الأنس والجان..!=خلق مخاليقه ويعلم سيرها..!
راضي بماهو راد من قو الإيمان..!=اللي خلق روحي يزيل لكدرها..!
أجئيك وتجيني وننسى لما كان..!=ترتاح عيني من مطاول سهرها..!

رفقاً بنا فنحن على أعتاب بوحك
سهارى حتى الفجر

صح لسانك شاعر القوافل

تلعب بي الأحلام والقلـب شفقـان..!

هواجسٍ(ن)بالفكر تجمـح فكرهـا..!

عليك يا بعـد النظـر دوم ولهـان..!

أبيـك بانـور الليـال وقمـرهـا..!

هواك صاب القلب والروح بإدمـان..!

قلبي من اللهفة ضلوعـي كسرهـا..!

جمال الحرف بين اناملك يسكن

صح نبضك استاذي ودام المِداد

تقديري

تسلم الأيادي وصح لسانك شاعرنا ربي يسعدك

صح لسانك قصيدة تستحق الاشادة


الله يعطيك العافية

صح لسانك ايها القدير ابداع يتجدد

صح لسانك مدد ماهو عدد


تقبل التحية

صح لسانك قصيدة طيبة وانت اطيب

صح منطوقك رائعة من روائعك الله يطول بعمرك

صح لسانك يا مبدع القوافي


تقبل الاعجاب