الليل والغربة..!!!

السلام عليكم ورحمة الله وبركاته

خاطرة شعرة بليلة سفر


علها تروق لكم

الليل والغربة وهمي وحالي=تفتح علي أبواب وتقفل أبواب
لكن هذا حال بعض الليالي=لولا تقلبهن ذا الراس ما شاب
تبعدك عن غالي وتبعد لغالي=تدنيك للقاصين وتحيد أحباب
ولو كنت بشكي من زمان مضالي=قسم برب الخلق ماني بكذاب
فكري تعب من كثر مطرح سؤالي=يا كم ودى بالليالي ولا جاب
في ديرة صار البعيد الموالي=والا الحقيقة كلنا بسكة أغراب
أحدٍ يجاملني على شأن مالي=وأحدٍ يخادعني وهو جنس نصاب
أضحك وأنا في داخلي هم كالي=وأكتم جروح القلب والجرح ما طاب
محدٍ يعرف بشيء داخل خيالي=هذي خطوط حمر حتى عن أصحاب
ما تفعله يمناي تجهل شمالي=واللي توقع غير مخطي ولا صاب

اولا


عودا حميدا والحمد لله على السلامة


ثانيا


صح لسانك جزلة من شاعر جزل الله يعطيك العافية

شاعرنا المبدع


صح لسانك وسلم فكرك


تقبل تواضع مروري

يا سلام عليك


ابيات قمة بالروعة مبنى ومعى


صح لسانك للرضا

نص اخترق واقع الليل و الغربة

في ديـرة صـار البعيـد الموالـي

والا الحقيقة كلنـا بسكـة أغـراب

أحدٍ يجاملني علـى شـأن مالـي

وأحدٍ يخادعني وهو جنس نصـاب

تمكنت في صياغة هذه المشاعر اخذتنا معك الى عالم المشاعر في ركام السحب

تصويرَ وتشبيه بأحترافَ أنسدلَهـُنا

صح بيانك وكلك، يسلم بوحك ونبض روحك

عودا حميداااا

أجمل التحاياا

رائعه تضاف لسجلات التميز

ابن هليـل

ابييات توشحت بالحرقة والعتاب

كم ينهكنا الآلم وينهينا

طعنات في الصميم

وماللجروح الا الصبر...

دمت بهذا التآلق.

دمت تجود بالدر النفيس

ولا صاااااب الله عليك ياأبن هليل مبطين عنك وعن طلتك فديت بوووحك

أخوي بن هليل
الحمدلله على سلامتك
وتو مانور المنتدى اخوي
وصحّ لسانك أخوي
وماهي بغريبة عليك التميز
ودمت بحفظ الله

صح لسانك


كعادتك متميز فيما تدون


لك خالص التحية

يعطيكم العافية جميعا


ولي عودة ان شاء الله للرد لكل واحد منكم