قصيدة موقف

هي من قصائد الموقف التي كتبتها منذ فتره
آمل أن تحوز مفرداتها على رضاكم
وكذالك معناها

البارحه غابن عن الفكر واقفن = بعض الهموم الموجعات الغلايب
اللي غلبنّي في حياتي وسرن= ليلي على بلواي داله ونايب
وقت اتضح ما كان خافي وبين = من كان سرّه في زحام الركايب
غاوي وماله في تواليه مزبن=راع الغوى لابد ويرد خايب
تضحك له الدنيا على غير مامن=وتجر ويلات الزرى والنحايب
ويلوك له حظه مع الطيش مكفن=ومع كل زله سِم حالي وذايب
ادخل على الله من سوايا المجنن= اللي يبذون الخفا والترايب
حتى الثياب اللي عليهم يضفّن= ماعاد يقون الصبر والحسايب
عاداتهم نقل الحكي والتوجهن= واللعب عالحبلين وقت المصايب
مااعدهم ربعي ولا اعدهم من = اللي تغطي كفوفهن الخضايب
فيصل انا ياخوك ماني بمذعن= للي يبثون النشب والطلايب
شفي هل العليا هواة التسلطن=من هم بدمي ودون لحمي قرايب
عيال عودٍ جودهم طاب بالمن =وسلوى جمايلهم على كل صايب
كسابة الصولات في كل موطن= أهل الجيوش السابقات الشبايب
أفتح لهم قلبي على الطيب موقن= واقشع لهم راسي ولاني بهايب
واشري بخطرهم واسوق الوفا وان = استلزم الموضوع دمي سكايب

الله عليك أخوي ابوعمر
أبدعت ووضعت بصمات
واضحة على صفحات
الشعر
صحّ لسانك أخوي
تقبل تواضع مروري

اخوي ابو عمر





صح الله لسااااااااانك




من اجمل الشعراء اللي بالمنتدى من وجهة نضري

وانا لست من يقيّم ولكن مجرد رأي


الف شكر لك



ولاتقطعنا من قصيدك




تقبل تحياتي

أبو عمر

صح السانك قصيدة جميلة مميزة جزلة من رجل جزل


تــــقـــــ تـــحــــيــــــااااااااااتــــــي ــــــــبــــــــــل


صقر عتيبة

ابو عمر


سلمت يمينك وصح لسانك

وبيض الله وجهك قصيده جزله

وقويه في معانيها ,,, الله يعطيك

الف عافيه على هذا الابداع

لك التحيه والنقديــــــــر

تضحك له الدنيا على غير مامـن
وتجر ويلات الـزرى والنحايـب
ويلوك له حظه مع الطيش مكفـن
ومع كل زله سِم حالـي وذايـب
ادخل على الله من سوايا المجنـن
اللـي يبـذون الخفـا والترايـب


سلمت اناملك

قصيده رائعه


يعطيك العافيه

كل الود

صح لسانك

قصيدة جميلة


مبنى ومعنى


الله يعطيك العافية

تقبل التحية

صح بدنك أخوي ابوناصر
وشاكر مرورك الرائع دومااااا والجزل

اخوي مبدع القاف ماعليك زود يالجزل وصح بدنك
ومنكم دائما وأبدا نتعلم
لاهنت

صقر عتيبه
صح بدنك يالغالي وماعليك زود