ورقة من سجل الحب
ابيات من ديواني..
ياماحلا في روضة الصدق نيشـان
حر ٍعزيز النفس طلق( ن) احجاجه
حاضر ومهما غاب للطيب عنـوان
مثل القراح اللي يعيـض بهماجـه
والا كما ريح ٍعلى الغصـن لابـان
أحترت في حسنه و شعة سراجـه
والا على ماقالـوا البـدو برهـان
لذ الصميل وجاه يضمـن خراجـه
ولو الخطاب يزين السنـع لوكـان
كان البيان ابلـغ ولا فـاد حاجـه
حيث الحقيقه كن شمسـه كحيـلان
غطت على روس المعانـي بلاجـه
وأنا باقول أتلى الحكـي يابخيتان
أشكر إلهي حيـث مانتـه خواجـه
اسمك على رسمك معرب وسلطـان
أصلك وفصلك ماوطيت السماجـه
كم قام صيتك وأرتفع بيـن خـلان
وأصغت لك عقولٍ بلون الزجاجـه
عشق الوجيه الفالحه حيـل فتـان
وحب النفوس الواضحه هو علاجه
ياماشقينا بأثقـل النـاس بطـران
لاموقـدٍ نـاره ولاجـاب سـاجـه
حنـا بلانـا بالخواتيـم عمـيـان
معطليـن الربـح بـأول رواجــه
وياقل مانلقى مـن القـوم شامـان
يبل ريقك يـوم يصعـب خراجـه
بيده قطع وصل الشدايد والاحـزان
وأرخى حبال السعد وسط العجاجـه
بأمر الكريم المعتلـي رب الاكـوان
امسًيـر الغالـي بوقت معـراجـه
التميز
الإهداءات
أسـمـكـ.....و.....رسـمـكـ
