أربع ليال أشريك يا هم وأبيع !!!

أسعد الله أوقاتكم بكل خير

هذه القصيدة لها كم يوم ونسيت أنزلها حال من دونها قصائد جديدة

علها تروق لكم

ربع ليال أشريك يا هم وأبيع=ما جبت مكسب والخسائر جسيمه
البال ضائق والمشاعر مواجيع=من خوف مقبلة الليال الوخيمه
خائف يضيع الحلم من عقبه أضيع=ترجع على قلبي مواجع قديمه
الحال قام يشين بالقلب ترويع=والروح من همٍ(ن)غزاها سقيمه
كن الخناجر تقطع القلب تقطيع=قدمه حبي للخناجر وليمه
بعد رفع لي كرت الإنذار تفزيع=يمزح معي مدري بنية سليمه
هدم بفكري من هجوسي مشاريع=ماكنه إلا شب نار بهشيمه
عقب الوفا جرعني المر تجريع=جريمةٍ(ن)يا شينها من جريمه
بعد غرامه ركع القلب تركيع=ما عاد لي على فراقه عزيمه
يأمر وينهي فيَّ وأجي له مطيع=أشوف حكمه عدل لو هو ظليمه
يحكم عليَّ بدون عرفٍ(ن)وتشريع=وشلون يُقبل حكم خصم بخصيمه
رفض دفاعي في جميع المواضيع=ما قدرك روحٍ(ن)بحبه مهيمه
ماكني إلا صفر من دون تربيع=ما عاد لي بحساب دنياه قيمه
ياليتني أقدر وأودعه توديع=لكن صعيب القلب ينسى نديمه
ياصبر وينك وسع الصدر توسيع=مخاوفي دايم بصدري مقيمه
شمع لباب القلب ياصبر تشميع=لا عاد تترك للمخاوف خريمه
كافي زمانٍ(ن)طبع القلب تطبيع=عدة سنين يجر ذيل الهزيمه
الجرح ينزف مانفع فيه ترقيع=أحلام ما جابت لنا من غنيمه
طول الزمان من المحبة ملاويع=حرام نظلم للنفوس الحشيمه
أحلامنا بتموت من دون تشييع=وظروفنا صلفه ولا هي رحيمه
أربع ليال أشريك يا هم وأبيع=ما جبت مكسب والخسائر جسيمه

تشرفت بأن أكون أول من يرد

صح لسانك قصيدة جزلة تستحق الاشادة

روووووعة صح نبضك والقلم خالص الود

الله الله


دائما تتحفنا بقصائدك لله درك


صح لسانك للرضا

صح لساااااااااااانك


قصيدة مميزة وممتعة

صح لسانك قصيدة جميلة وفقك الله



خالص التحية

صح لسانك مليون ولا يكفون


ابدعت لله درك


خالص التحية

صح السانك يابن هليل ويعطيك العافيه


تحياااااااااااااااااتي

الله عليك مبدع دائما تتحفنا بقصائدك


صح لساااااااانك


خالص التحية

صحيت وبيض الله وجهك على هذا

الابداع الراقي والجميل

لك التحيه والتقدير