فات المعاد وصاحبي مابعد عاد= مدري وش اللي عطله ما يجيني
بيني وبينك يا هوى البال ميعاد=فات الوعد ما جيتني يا ضنيني
غيبتك عن موعدك سبب لي لهاد=من حيرتي عذبت في راحتيني
الوقت عدا والقلق للصدر كاد= والدمع صار يغالب لحجر عيني
أحس في جوفي من الوجد وقاد=ودي أضمك وأحضنك باليديني
مشتاق لك بلحيل ياسيد الأسياد=حتى لو إنك بالهوى ما تبيني
يأقرب من الأنفاس وأطعم من الزاد=يابلسم جروحي متى تحتويني
يأجمل نساء منهو نطق لهجة الضاد=يا جامعٍ(ن)من كل زينٍ وزيني
ملكت فكري والمشاعر والافؤاد=ماعاد لي بالبيض غيرك خديني
صار السهر لأجلك على العين معتاد=أسامر أطيافك بصحبة أنيني
أشكي جروحي فوق روحي ولا فاد=يصيح بي شوقٍ(ن)بصدري دفيني
اشكي من الهجران واشكي من بعاد=واشكي من أوجاع الغرام المبيني
اشكي هوانا للقصائد والإنشاد=أبكيت شعري صار هو يشتكيني
كنت أتمنى جيتك تنهي سهاد=ترد لي بعض خسائر سنيني
زادت خسائرنا وزاد الوجع زاد=حال القدر مابين ولفي وبيني
الحظ شاين والكدر صار منقاد=راح الهنا هم القهر يحتريني
كل ما تلاشى جرح بدله بجداد=تنحر لحلمٍ(ن)بالفكر ينتخيني
فات المعاد وصاحبي مابعد عاد= مدري وش اللي عطله ما يجيني
التميز
الإهداءات
فـــات المعــــــــاد !!!
رد: فـــات المعــــــــاد !!!
