بسم الله الرحمن الرحيم
هذه الأبيات أهديها لكل مسافر نيابة عن محبيه في كل مكان
علها تروق لكم وتلامس مشاعركم حينما يغيب عنكم عزيز في سفر
سافر وترجع ياهوى البال في خير=وأنا أنتظر رجعتك كني على نار
برسل لك الأشواق مع حائم الطير=وأدعي لكم بالخير في وقت الأسحار
بكتب قصيدي فيك وأنظم مجارير=في مثلكم يطيب لي نظم الأشعار
يا فتنة الشاعر وسيد الغنادير=القا وجودي فيك في حل وأسفار
أعطيتك الخفاق من دون تفكير=أنت الوحيد اللي ملك روح وأفكار
ساعة طلبت الروح ماقلت لك غير=تفداك روحي ما تلمست لأعذار
ما ردني عنكم بعيد المشاوير=ولأخذت لأجل وصالكم عذل وأشوار
ما والله أطلب دون وصلك معاذير=والا بقل لك صار في شيء ما صار
وأشوف ما سويت ياغالي صغير=أنته حقوقك فوق مغليكم كبار
قسم بربي ما يجي شيء تقصير=لأجل عيونك ترخص أرواح وأعمار
هذا وعد والعلم مايعيز تفسير=سافر وترجع يا هوى البال في خار
أرسل لي الأخبار من دون تاخير=أول بأول لا توخر للأخبار
وش صار في دنياك ماصار ويصير=أرسل لي النشرة على كل الأقمار
لكن شفر كامل النص تشفير=من شأن لا يقراه عاذل وغدار
سافر وترجع ياهوى البال في خير=وأنا أنتظر رجعتك كني على نار
التميز
الإهداءات
سافر وترجع ياهوى البال في خير !!!
رد: سافر وترجع ياهوى البال في خير !!!
