شعر ومشاعر
تقول أنت وينك مختفي قلت بالطايف=
أدور علاج لعقل تلعب بي أمواجه=
فقالت علامك قلت ما ينشد العارف=
زماني بعد غيبتك مكثر لي إزعاجه=
تجيني هجوسي سيلها للصبر جارف=
وقاف الشعر من نارها شوف منهاجه=
اجر اللحون اللي غدى قافها طارف=
وباب الفرح صكيت من عام مزلاجه=
ياعذب اللما وقت الهوى للفنا شارف=
طريق الوصل طول الزمن حافه وعاجه=
أبشرك عودي صار عقب الطرا ناشف=
بعد غيبتك ياللي من الناس محتاجه=
ياليتك تجي وتعالج لجرحي النازف=
تجدد بعد غيبتك ماعندي علاجه=
تبات المشاعر بالحشا دمعها ذارف=
وليل السهر ما تبصر العين لسراجه=
أسامر لذكرى يوم كان الهنا وارف=
وأعاتب لحظ ٍ ذابح الحال كرباجه=
ظعون السعد ولت وشين العمر واقف=
أرحب وأهلي غصب مجبور بأفواجه=
التميز
الإهداءات
وقت الهوى للفنا شارف !!!
رد: وقت الهوى للفنا شارف !!!
