السلام عليكم ورحمة الله وبركاته
الأبيات بدون مقدمات ....
من ودك(ن)يابنت ما ودي أتوب=حب العذارى جاري(ن)جوف دمي
لعيونهن ما كون في يوم مغلوب=أفضل قسوم الناس يابنت قسمي
مرات أحب وبعض الاحيان محبوب=وأحبهن للقلب من جات يمي
ماهو بكيفي بالهوى طحت مغصوب=سمي وأنا يابنت مثلك بمسمي
بعضه علينا من الأزل شيء مكتوب=والبعض عابر ما تجاوز لفمي
لكن كله فوقنا صار محسوب=شيء مريح وشيء والله يغمي
البعض منه قطرة(ن)بأخر الكوب=والبعض منه مثل جم(ن)يزمي
صافي مصفا ما تخالط بغثروب=بشرب وبشرب من ينابيع يمي
هذا مناة الروح وأعز مطلوب=نقي منقا ما تخالط بسمي
أنتي وأنا مابين حسنات وذنوب=ياكم كم وكم كم(ن)وكمي
ياكم لأجلك قامت حروب وحروب=أحيان ما بيني وبين ابن عمي
وياكم لأجلك إنمحت ناس وشعوب=أنتي الغلا والبنت وأختي وأمي
هذا غرامي فيك من نار مشبوب=غرامي الوانه تخص وتعمي
كله على شأنك غدا العقل مسلوب=مقدر على التوبة ولا هي بهمي
قالوه قبلي كل ممنوع مرغوب=والشهم يبقى طول الأيام شهمي
عرفتي الأن لا ويش ما توب=لأجلن دمك مختلط معه دمي
التميز
الإهداءات
مقدر على التوبة ولا هي بهمي !!!
رد: مقدر على التوبة ولا هي بهمي !!!
