عيون الشقا !!!

أسعدكم الله بكل مان وزمان

اليكم خرافات أخر الليل علها تروق لكم

الأبيات

قرب الفجر يطلع ياعيون الشقا=ما تريحت لو ساعة بليِّن فراش
طول ليلي وأنا افكر بذاك اللقا=لحظةٍ(ن)نادرة لكن راحت بلاش
إنتهى وقتها والذكر منها بقا=مشغل الفكر طول الليل لين الغباش
كل ما صار كنه ماثلٍ(ن)مااتقا=ساعةٍ(ن)في مقاس الوقت بتعد ماش
حلمي اللي حلمته صار واتحققا=قبل عامين صابك يالقلوب إندهاش
والليالي تلم أحباب وتفرقا=بسمة الفرح تقدح مثل قدح الفلاش
التقينا ملاقاة أصدقا لأصدقا=من فرحنا تحيتنا كساها ارتباش
ماتوقعت شوفة صاحبي ما هقا=مد كفه لكفي بالكفوف ارتعاش
رحب بجيتي رديت له بالبقا=العواطف يصارع مدها الإنكماش
اجتمعنا على طيب وعفاف ونقا=وافترقنا وحلو الود ما عشت عاش
منزرع بالخفوق اللي بحبك رقا=فوق كل المنافع ما خلطه الغشاش
ود عن ود ياعذب اللما يفرقا=دامت قلوبنا بيضٍ(ن)مثل لون شاش
يافؤاد الوليف اللي ملاه التقا=الله إنه يحفظك من عيون الوباش
ويا مكانٍ(ن)جمعنا ياعساك السقا=من غزير السحاب اللي بقدمه رشاش
عل سقياك تطفي واهجٍ(ن)أحرقا=نبت ذاك المكان اللي غصونه هشاش
يمكن الله يريد ونجتمع برفقا=بنفس ذاك المكان اليا غشاه انتعاش
الليالي تمر وعمرنا يُسرقا=لين نغدي بتال العمر مثل القشاش
حلو الأيام خلف ظهورنا نفهقا=والمواجع نقدمها على الروح كاش
وإن مضى عمرنا ما فات ما يلحقا=مالنا من ملاذ إلا الصبر والطناش
ياقصيدي عبر موج الفضا تبرقا=قبل عيني يفارق طرفها الإرتماش
الفجر شق نوره ياعيون الشقا=ما تريحت لو ساعة بليِّن فراش

صح الساااانك يابن هليل ويعطيك العافيه

تحيااااااااااااااااااااااااتي

ماتوقعت شوفة صاحبـي مـا هقـا

مد كفه لكفـي بالكفـوف ارتعـاش

رحـب بجيتـي رديـت لـه بالبقـا

العواطف يصارع مدهـا الإنكمـاش

اجتمعنا على طيـب وعفـاف ونقـا

وافترقنا وحلو الود ما عشت عـاش

بعطر الذاكرة تنتشي الروح

سلمت استاذي وسلم قلمك وحرفك المعطاء

تقديري

صح لسانك وسلم بنانك



تقبل التحايااااااااااااااا

يسعدك ربي روووووعة ربي ما يحرمنا من ابداعك

والليالـي تلـم أحبـاب وتفـرقـا

بسمة الفرح تقدح مثل قدح الفـلاش

صح لسانك والله لا يفرق بين الأحباب

جميل ما سطرت بمتصفحك

تقبل خالص الود والاحترام

جميل ما خط قلمك سبك وحبك شاعر متمكن صح منطوقك

قصيدة جميلة



صح لسانك وسلم بنانك

الشاعر بن هليل
صح لسانك وسلم بنانك

لله درك



مبدع


صح لسانك