يا مقفي عسى دربك سهود ومهود !!

كالعادة الأبيات بدون مقدمات

يا مقفي عسى دربك سهود ومهود=ماني اللي يتابع من عطاني قفاه
عزة النفس تمنعني وخوف النقود=والكرامة وعادات الرجال العصاه
كلها يا مقفي فوق روحي قيود=مستحيل الزمن يكسر لقلبي قساه
ما تعودت للنقصان من عقب زود=من قديم الليالي في صفوف الدهاه
روح وأدري عليه بعد حين بتعود=الليالي تردك والقهر والجفاه
بكره ترد لي صاغر عليً محدود=ليا عرفت إن مالك من فراقي غناه
تشلع الجيب وتبالغ بلطم الخدود=لن سقاك الزمن مره وشح بحلاه
الليالي ثلاث أرباع بالوقت سود=كم بشر فقرتهم لين صاروا عراه
ما نفعهم ليا شأنت كثير الجهود=شوكها ما يدوسه غير من هم حفاه
الليالي تربي كل باغي جحود=لن عرف من شناه يعود للي هواه
المودة ترى ماهي بشرية نقود=الغلا ما يباع رخيص للي شراه
يا مقفي عسى دربك سهود ومهود=ماني اللي يتابع من عطاني قفاه

صح لسانك وبيض الله وجهك


ابداااااااااع

تقبل التحية

صح لسانك وسلم بنانك احسنت لا هنت

صح لسااااااااااااااانك تقبل مروري

صح لسانك واعتلا شانك ابدعت كعادتك لله درك

صح لسانك وسلم بنانك


تقبل التحايااااااااااااااا

صح لسانك وعذب احساسك شاعرنا ربي يسعدك

صح لسانك احسنت بالطرح بيض الله وجهك

صح لساااااااااااااانك


تقبل التحية والاحترام

صح لسانك شاعرنا قصيدة قوية