عكرت جوي ما هقيت بيصفي !!!

مساءكم وصباحكم شعر

الأبيات بدون مقدمات

عكرت جوي ماهقيت بيصفي...!=ضاع العمر ما حقق المقصود...!
الأمر خارج عن يدي من كفي...!=تدبير ربٍ(ن)واحدٍ(ن)معبود...!
الحظ ضيع في زماني شفي...!=أهب يا حظٍ(ن)ردي مقرود...!
العمر روح والهجوس تهفي...!=ما نلت من طرد الشقا مردود...!
الزين عود في زماني خلفي...!=والشين منها بالأمام قعود...!
القلب يحلم والعيون ترفي...!=ما جبت فيدة بالليال السود...!
غير المواجع والعنا واللهفي...!=باقي حلومي بالحياة رقود...!
ارتاح يا عقلي وخل المقفي...!=تبع المقفي مضيعة مجهود...!
طرد المقفي يا زماني يحفي...!=منقود للي يعرف المنقود...!
الحلم للموجوع صعبٍ(ن)يشفي...!=واللي مضى من عمر صعب يعود...!
هرجٍ(ن)بليا فعل ما بيكفي...!=وأصعب طريقٍ(ن)بالحياة صعود...!
الزيت فوق النار كيف يطفي...!=والماء يحودر ما يعود سنود...!
يا رب سترك يا كريم تضفي...!=على عبادك يا كثير الجود...!
يا عالم بالجهر مثل المخفي...!=علمك وفضلك ما يعرف حدود...!
عكرت جوي ما هقيت بيصفي...!=ضاع العمر ما حقق المقصود...!

صح لسانك وبيض الله وجهك


قصيدة رائعة موفق

صح لسانك يا مبدع القوافي


قصيدة رائعة بروعة شاعريتك

صح لسانك مليون ولا يكفون

ابداع غير مستغرب من شاعر مثلك


تقبل التحية

صح الساااانك يابن هليل ويعطيك العاااااااافيه

احترااااااااامي

صح لسانك قصيدة رائعة الله يعطيك العافية

صح لسانك وسلم بنانك احسنت لله درك

صح لسانك مدد ماهو عدد وفيت وكفيت لا هنت


تقبل التحية

صح الله لسانك شاعرنا المتألق ربي ما يحرمنا منك

صح لسانك يا سيد القوافي ابداع متواصل