لاعاش ابو ذا الحب لاعاش لاكان
اللي طعني تحت حدب المحاني
حتى غديت لنايد الناس عنوان
سيرة الم مابين قاصي وداني
وحتى شمت في عثرتي واطي الشان
وزود طعوني مع بلاوي زماني
ماقال سالم وان عثر كبوة حصان
همه الى قالوا زماني وطاني
وهمي مطارق والزمن صار سندان
مابينها صامد واعاني مكاني
مجروح جرحين ٍ توارت بالاحزان
جرح ٍ يصيح وجرح صمته معاني
وانزف مواويل الغلا وارسم الحان
واكتب على ليل المواجع مغاني
واشيل فوق اكتوفي دهور وازمان
واحس حتى الدرب دربي جفاني
أحيان احس اني بلا روح واحيان
احس روحي في جسد شخص ثاني
انشهد انه موت لاهمت فـ انسان
لاصار لا يرحم ولاهو يعاني
ودام الغلا خضب خفوقي بالاحزان
ابنتقم من كل جرح(ن) خذاني
انا ومن بعدي يجي الف طوفان
دام الجسد في تربة الارض فاني
ما عاش من يكسر شموخي ولا كــان
حتـى ولو هو تحت حـــدب الـمحانــي
شعر/ سلطان الركيبي
التميز
الإهداءات
جرح يصيح وجرح صمته معاني للشاعر المبدع سلطان الركيبي
