وان قال كلمة حق قامت على راسه قيامه ,, في الصميم !

السلام عليكم ورحمة الله وبركاته

كيفكم / اخباركم

هذي قصيده لاخوي رحمه الله رحمة واسعه

احببت ان اضعها باسمي لاراي اراائكم فيها ...

سلام ياتركي سلام الوفا من قلب ولسان = ياكاسب القالات يادرع خالي ياحزامه
الله يرحم شيخ رباك مانافق ولا خان = بالحق والانصاف معروف مايخلف كلامه
تشهد له العربان فالسيل والمعدن وبقران = واللى يقول الصدق يفرض على الناس احترامه
رحل عن الدنيا بعد ماشتهر في كل ميدان = يالله عساه بجنة الخلد ماتفنى عظامه
واليا ذكرتك يابيض الوجه مانسى الذيب سرحان = ابو يزيد الطيب مبداه والحكمه وسامه
الله يبارك فيكم عيال شيخ إطوال الايمان = امشوا على دربه ولاهان من طبق نظامه
دنياك ياتركي غريبه تجيك اشكال والوان = ياسرع دورتها ويالله يالله السلامه
من عام تسعه والف واربع مئه والحال تعبان = صابر على الشدات والصبر للمسلم كرامه
عشرين عام ابجوف بحر الشقى والظلم غرقان = تلعب بي الامواج مع كل صوب إبلا رحامه
وقت مضى ماهو كما اليوم فيه الشيخ ينهان = وان قال كلمة حق قامت على راسه قيامه
بعض العرب تجحد حقوق اليتامى بدون حسبان = تبى تبيع او تشتري مايحسب للملامه
الحق ياثابت يابن خالي بصك وفيه برهان = واللي يبى يعمي عيونه يبى يلقى الندامه
تراك ياللى تنكر الحق متوهم غلطان = والصبح نوره يكشف الليل لو طول ظلامه
فالخاتمه يالله نطلبك دايم سر واعلان = اتجازي الظالم وانا شوف لو يوم القيامه

من الارشيف ...

الذيب الثبيتي

الله يعطيك الف عافية على الطرح المميز

والله يرحم أخوك ويسكنه الفردوس الاعلى يا ارحم الراحمين

تقبل تحياااااااااااتي الخاااااااااااااصه

صقر عتيبة

رحم الله اخيك رحمة واسعة


والله يعطيك العافية


قصيدة جزلة المعاني



لك خالص تحيتي

صح لسانك والله يعطيك الف عافية وافية من وافي

صح لسانك


ورحم الله اخوك واسكنه فسيح جناته

مشكور على النقل

الله يعطيك العافية ابيات جميلة

الله يعطيك الصحة


ويرحم اخوك

رحمة الله عليه رحمة واسعه وبيض الله وجهك على النقل الراقي والهادف

الذيب الثبيتي

اسأل الله العلي القدير ان يتغمد

اخيك بواسع رحمته ويجعل الجنة

مثواه ....بيض الله وجهك على هذه

القصيده المثاليه ...لك التحيه والتقدير

صح الله الساااااااااااااانك

ورحم الله اخوك حمة واسعه واسكنه فسيح جناته

تقبل أرق التحايا و أعذبها