أسعدكم الله
اليكم بعضا من تخاريف المساء علها تروق لكم
![اضغط على الصورة لرؤيتها بالحجم الطبيعي](http://im39.gulfup.com/g8FPa.jpg)
يا ما حلا لحظات بالعمر مرت=قبل ثلاث سنين بحساب الأيام
لحظات حلوة باطن الروح سرت=فرحة دقايق عادلت فرحة أعوام
لحظات روعة بالشعور استقرت=حلاتها تغلب على حلو الأحلام
خطفة زمن فيها المشاعر تعرت=من خوفها وإستنشقت عذب الأنسام
بعيوننا بيض الأماني تمرت=نظرات تبقى تاج للعمر و وسام
تعانقت أرواحنا وإستمرت=في شوقها والحب للروح حكام
ذكرتها والعين بالدمع فرت=ما كن رمش العين من بعدها نام
ياليتها تنعاد من عقب فرت=قدام يسبقها من الوقت هدام
وإن كان ما عادت ولاعاد كرت=يا عز حالي من مواجيع وأسقام
يا شينها كان الليالي تبرت=من عقب جادت كيف تحكم بالإعدام
وشلون تمنع للوصل بعد برت=وإلا تبدل فرحة العمر بأوهام
ماني مطاوعها ولو هي تورت=ببذل قصارى الجهد من شأن ما لام
النفس لمواصل هوى الروح أصرت=بتعب على شأن الغلا روح وأقلام
مهما الليالي عاندتني وضرت=يكبر غلا الغالين ونحشم حشام
عله يجي كماك لحظات مرت=قبل ثلاث سنين بحساب الأيام