شروطه أكثر من حروف الدواوين

السلام عليكم ورحمة الله وبركاته

اطرح بين ايديكم هذه القصيده وأتمنى بأن تنآل استحسانكم وذائقتكم الشعريه

شروطه أكثر من حروف الدواوين

شروطه أعقد من شروط الوزيري = اللي على كرسي يلف ويدوري
قدام عينه ورد فل(ن) وجوري = ونهاية المشوار كبري ودوار
أول شروطه أسمعه ويش ماقال = ماهمني لو قالوا الناس محتال
أمشي معه نقطع كثيرات الاميال = تاره على يمناه تاره على ايسار
ثاني شروطه أتبعه وين ما راح = أتبع سحايب ماطره كل ما لاح
أسايره لو سبب بقلبي جراح = الطير مقصوص الجناحين ما طار
ثالث شروطه أعشق القال والقيل = أحصد على شانه جميع المحاصيل
ايقول خلك ذيب مسراك بالليل = قلت الشجر تزينه حلو الازهار
رابع شروطه اسهر الليل كله = اكون أنا شمسه وظله وخله
ماني بلا خله ولاني بظله = مادام طبعه شين خائن وغدار
شروطه اكثر من حروف الدواوين = يجري سواة الدم وسط الشرايين
من جورها ذبلت ورود البساتين = يبست غصون النبت من قل الامطار
أخر شروطه اطرد الام والاب = على الثنينه يطلب أقسي القلب
الله يخزي من يماشيه بالدرب = شيطان والشيطان مخلوق من نار
قلت اسمع أقوالي مثل ماسمعتك = اترك شروطك خافيه جوف بيتك
ليا رآيتك في طريقي رميتك = ارميك رميه سهمها سهم الاذكار
أنته تعديت الخطوط العريضه = تبغاني أنسى سنتي والفريضه
من طاوعك لاشك روحه مريضه = ينسى حقوق الاهل والنفس والجار
أتعوذ الرحمان من كل شيطان = ما يطرد الشيطان ياكود رحمان
رب البريه خالق الانس والجان = عالم بخلقه وبيده كل الاعمار
رجواك يالمعبود ياخالق الكون = تبعد عن فوادي من كان ملعون
طالبك ياللي بأمره الكاف والنون = إنك تبعد عننا لفحت النار

صح لسانك يعطيك العافيه
دايمآ مبدع يالشاعر الكبير وابياتك تشهد لك اتمنى لك التوفيق

انتظر جديدك وكتاباتك الرائعه دايمآ متألق

صح لسانك مليون ولا يكفون قصيدة طيبة من رجل اطيب

صح لسانك واعتلا شانك


ابدعت وامتعت لا هنت



تقبل التحية

صح لسانك مدد ماهو عدد




ابدعت لله درك

صح لسانك واعتلا شانك





ابداع بيض الله وجهك

يسلمووووووووالله يعطيك العافيه

صح لسانك يالذيب







تقبل مروري

صح لسانك




ابدعت لا هنت

اسعدني مروووكم جميعاً

واثلج صدري ردووودكم

تقبلوا أرق التحايا و أعذبها