الشوق بلحيل كافر !!!

أسعد الله أوقاتكم بالخير

الليلة جبت لكم هالأبيات علها تروق لكم او للبعض منكم

لا تنشديني ليش للحين سهران=الليل للشاعر رفيقٍ(ن)مسامر
أسج به وأبدل أوطان بوطان=أركب جموح الفكر ساعة ياسافر
أنسى الجسد واسبح على لحن الألحان=أقطع مسافاتٍ(ن)بليا تذاكر
أزور مضنوني على متن الأشجان=أنشد عن أحواله وينهي ويأمر
على فؤادٍ(ن)دايم الدوم ولهان=يشتاق له والشوق بلحيل كافر
ما يرحم المشتاق في كل الأحيان=يوجع قلوبٍ(ن)نادمتها المشاعر
خصٍ(ن)ليا كان الغلا حيل فتان=فعله علي أمضى من أفعال ساحر
سحرني بلونه وذوقه والأعيان=كل الذي أهواه بالزين وافر
اليا تكلم يصغي السمع بإمعان=كل كلمةٍ(ن)من شفة الذوق تأسر
واليا مشى صوت الخطا طبل فنان=يهتز منها العود ما فيه قاصر
كل المكان يصير جنه وبستان=من عطره الزاهي وريح المباخر
والوان لبسٍ(ن)متقنه كل إتقان=متناسقٍ(ن)مع قامته لون باهر
يزهى به الفستان وبدون فستان=أخطر على العاشق من أخطر مخاطر
كله على بعضه زمرد ومرجان=مكنون ما حول لسوق ومتاجر
وصلت في حبه ليا حد الإدمان=هذا الذي من باقي العمر فاكر
لأجل كذا بسهر على شأنه أزمان=وأصير شاعر لو ما كنت شاعر
لا تنشديني ليش للحين سهران=الليل للشاعر رفيقٍ(ن)مسامر

القصيدة بتنسيق اليو تيوب

الشاعر بن هليل لله درك
وش اقول رائع ماتكفى
مبدع ما تكفي
متفوق ما تكفي
مبهر ماتكفي
تدري جميع ماذكر بعاليه
رااااااااااااااااااااااااااااااااااااااااااااااااا اااقتلي ايه نبا هالنوع من القصايد تسلم على هالرائعه

صح نبض الابداع و الجمال في شرايينك الطاهره

شكرا بحجم السماء على سقينا بكأس خمرة قصيدكم الذي روينا من جمال و طيب

لقلبك الطاهر غابات مسك و لروحك الربيع جزيل شكري و امتناني

يا سلام على الابداع



راقية ورائعة



لله درك

الله الله



رائعة من الروائع التي تلامس شغاف القلوب

تسلم اخوي



صح لسانك


رائعة راقت لي

رائعه بكل ماتعنيه الكلمه لك كل التقدير

صح منطوقك






تقبل التقدير

بن هليل

يعجزاللسان عن الوصف والتعبير

كعادتك رائعه من روائعك المميزه

صحيت وبيض الله وجهك

لك التحيه والتقدير