سيدة قلبي وفكري !!!

طابت أوقاتكم

الأبيات

بدري عليًه لا تغيبين بدري=البال في غيبتك لا يمكن يروق
يا سيدة قلبي وفكري وشعري=ما شاقني غيرك من البيض ياشوق
ملكتي إحساسي وبوحي وسري=جملتي أشعاري على كل طاروق
سلمتك الخفاق من غير مدري=عاشق وسلم كل ذاته لمعشوق
حبك رسخ مثل العقيدة بفكري=يا كاملة بالحسن والطيب والذوق
أنتي غرام الروح سرٍ(ن)وجهري=يا تاج راسي يا هنا نبض خافوق
هواك دمٍ(ن)باشرايين يجري=يا ملهمتني بالحكي كل منطوق
قبلك سنين العمر ضيعت هدري=ومعك بقايا العمر سارق ومسروق
يفداك كلي يابعد كل عمري=يافرحة الأيام في دم وعروق
أهواك لين أنحط في جوف قبري=وأهواك يوم البعث والطاق مطبوق
أنت قدر مكتوب ما من مفري=يا بلسم الآهات في قلب محروق
محروق من عشقٍ(ن)مولع بصدري=يشعل سواة الجمر ما يعرف رفوق
بدري عليًه لا تغيبين بدري=البال في غيبتك لا يمكن يروق

صح لسانك مدد ماهو عدد


تقبل التحية

صح لسانك راقية لله درك شاعرنا

الله يعطيك الف عافية قصيدة تعانق السحاب صح نبضك

صح لساااااااااااااانك


رائعة

صح لسانك احسنت الله يوفقك

صح لسانك واعتلا شانك



تقبل التحية

رائع


صح لسااااااااااااااااانك

صح لسانك واعتلا شانك ابدعت وامتعت



تقبل التحية

صح لسانك وسلم بنانك



احترامي