ياجميل الوصوف وياحسين الطبوع=حظ عين تشوفك بالمساء والصباح
من يشوفك وربي ما يعرف الجزوع=الليالي بعينه كلبوها مـلاح
من نهار الربوع ليا نهار الربوع=كل ما حس ضيقة ناظرك واستراح
ما توجع من الأشواق خلف الضلوع=شوفتك ما تخلي في عروقه جراح
ما عرف للبعاد ولا عرف للقطوع=عايشٍ(ن)في سعادة مهتني بإنشراح
ما توجد كماي ولا عرف للفجوع=كل ما حل ليل الشوق بالقلب ناح
المشاعر تعاوى والأماني شموع=دم شعري عليها من محبتك فاح
يخفق القلب في صدري و وده يزوع=مير ما الله خلق له بالحنايا جناح
أتمنى لشوفك مير دونك منوع=وأتمني لقربك والتباعد مباح
ليت حظي يحقق للتلاقي سبوع=كان كل المشاعر في قصيدي صحاح
التلاقي ظروفه بيننا حب كوع=أتعشم بقربك والنهايات باح
بان حظي مقفي ما نوى للرجوع=وإن تلفت تعثر في مسيره وطاح
من سنينٍ(ن)طويله ضعت والحظ ضاع=كني اللي تجرع في غرامه ذحاح
آه طول الليالي من فزوع بفزوع=لين سكر هوانا داخل الوقت ماح
ياجميل الوصوف وياحسين الطبوع=حظ عين تشوفك بالمساء والصباح
التميز
الإهداءات
حظ عين تشوفك بالمساء والصباح !!!
رد: حظ عين تشوفك بالمساء والصباح !!!
