بشرتني بالوصال وباشرتني بالقطيعه !!!

طابت أوقاتكم بكل خير

الهنوف اللي تقول إني هويتك شيبتني=بشرتني بالوصال وباشرتني بالقطيعه
عشمتني بالهنا وأثر الهنوف مدحلبتني=ودها تضحك عليه يوم أحول بالوقيعه
الوعود اللي تواعدها سرابٍ(ن)ما نفعتني=جنة الفردوس عند الغانية سراب قيعه
ليتها قدام توعدني وتخلف سيبتني=لو راحت وإستراحت ريحتني من صديعه
مير هذا حظي المنحوس دنيا عذبتني=بيني وبين الليالي يا هل الدنيا نزيعه
كل ما خلصت من مشكل على غيره رمتني=الليالي والعذارى ما يكبون الخديعه
نيتي مدري غبايه في زماني دهورتني=والمخادع في كثير من البشر صاير طبيعه
إنصحوني كيف أسوي بالنوايا حيرتني=كيف أميز صافي النية وأبو ذمة وسيعه
علموني يا هل الخبرة حظوظي غربلتني=والمشاكل بالزمان الشقلبي والله فظيعه
هذي الدنيا مشاكلها جسام وحيرتني=بعضها جديد ماله حل بنصوص الشريعه
إن رضخت لكلها جنيت وإلا فقرتني=وإن تركت لكلها صارت حياتي مستبيعه
علموني فهموني عن ليالي غررتني=طعتها في حال لو النفس ماهي مستطيعه
مثلها مثل الهنوف اللي هويت وشيبتني=بشرتني بالوصال وباشرتني بالقطيعه

صح لسااانك


قصيدة ممتازة

صح بوحك ولسانك العذب شاعر الابداع

مبدع كعادتك صح لساااانك ولا هنت

صح لسالنك مليون ولا يكفون


تقبل التحية

صح لسانك ولا هنت ايها الشامخ روعة

رائعة من روائعك لله درك وصح لسااااااانك

صح لسانك ولا هنت ابدعت وامتعت


تقبل التحية

صح لسانك ولا هنت


تقبل اعجابي

صح لسانك قصيدة راقية يعطيك العوافي